PSL final
The news is by your side.

Advertisement

پی ایس ایل فائنل لاہورمیں‘ وزیراعظم نے گرین سگنل دے دیا

لاہور: وزیر اعظم نواز شریف نے لاہور میں پی ایس ایل فائنل کے لیے گرین سگنل دیدیا‘ پی سی بی کو سیکورٹی انتظامات میں ہرممکن تعاون کی یقین دہانی کرادی۔

ذرئع کے مطابق وزیر اعظم نواز شریف نے پی سی بی انتظامیہ کو پی ایس ایل کے موقع پر بھر پور سیکورٹی فراہم کرنے اور دیگر انتظامات میں بھر پور تعاون کی یقین دہانی کرادی ہے۔

وزیر اعظم نواز شریف نے کہا کہ پی ایس ایل کا فائنل لاہور میں ہونا خوش آئندہے جس سے پاکستان میں انٹرنیشنل کرکٹ واپس آنے کی راہ ہموار ہو گی۔

اس سے پہلے آرمی چیف قمر جاوید باجوہ بھی لاہور میں پی ایس ایل فائنل کے لیے بھر پور سیکورٹی فراہم کرنے کی یقین دہانی کرا چکے ہیں ۔

پاکستان میں کرکٹ گراؤنڈ آباد ہونے کی ہر جانب سے خبریں آنا شروع ہو گئی ہیں اور اب وزیر اعظم محمد نواز شریف نے بھی لاہور میں پاکستان سپر لیگ کے لاہور میں فائنل کے لیے گرین سگنل دے دیا ہے تو دیکھنا یہ ہے کہ اس معاملے پر حتمی فیصلہ کیا ہوتا ہے

یا درہے کہ گزشتہ روز پی ایس ایل چیف نجم سیٹھی نے وزیراعلیٰ پنجاب سے ملاقات کی تھی جس میں کہا گیا تھا کہ پی ایس ایل کا فائنل لاہور میں منعقد کرانے کے لیے انتظامات کیے جارہے ہیں تاہم حتمی فیصلہ ابھی باقی ہے۔

پی سی بی نے حکومت سے مطالبہ کیا تھا کہ پی ایس ایل کے فائنل کے لیے دو روز کے اندر سیکیورٹی کلیئرنس دی جائے تاکہ ٹکٹس سمیت دیگر اقدامات کیے جاسکیں۔

Comments

comments

یہ بھی پڑھیں