اسلام آباد : وزیر اعظم عمران خان نے کشمیریوں سے یکجہتی کے اظہار کے لئے تمام پاکستانیوں سے کل بارہ سے ساڑھے بارہ بجےکے دوران باہر نکلنے کی اپیل کرتے ہوئے کہا بھارت کےفاشسٹ قبضے اور کرفیو کیخلاف قوم کشمیریوں کیساتھ ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا تمام پاکستانیوں سے درخواست ہے کشمیریوں سےاظہاریکجہتی کے لئے تمام پاکستانی کل 12سے ساڑھے12بجے تک باہر نکلیں اور مقبوضہ کشمیرکےعوام کوواضح پیغام دیں، کہ بھارت کے فاشسٹ قبضے اور کرفیو کیخلاف قوم کشمیریوں کیساتھ ہے۔
I want all Pakistanis to come out tomorrow 12 noon -12.30 pm to show solidarity with the Kashmiri people and send the Kashmiris in IOK a clear message that the entire Pakistani nation stands in solidarity with them & against Indian fascist oppression, the inhumane 24-day curfew,
— Imran Khan (@ImranKhanPTI) August 29, 2019
وزیراعظم نے کہا ہمیں کشمیریوں کوپیغام دینا ہےہماری قوم ان کےپیچھےکھڑی ہے، پاکستانیوں سے کہتاہوں کل آدھےگھنٹے کشمیری عوام سے یکجہتی کا اظہار کریں۔
We must send a strong message to Kashmiris that our nation stands resolutely behind them. So I am asking all Pakistanis for half an hour tomorrow stop whatever you are doing & come out on the road to show solidarity with the Kashmiri people.
— Imran Khan (@ImranKhanPTI) August 29, 2019
عمران خان کا کہنا تھا کہ کشمیریوں کےقتل عام کےپیچھےمودی کی نسل کشی کاایجنڈاہے، مودی کشمیریوں کی نسلی کشی اورغیرقانونی الحاق کی خواہش رکھتا ہے، مقبوضہ کشمیر میں آبادی کی تبدیلی جنیوا کنونشن کے تحت جنگی جرائم ہے۔
the daily injuring & killing of Kashmiri civilians, incl women & children – all part of the ethnic cleansing agenda of the Modi Govt. & it’s illegal annexation of IOK. The plan to change demography of IOK is a war crime under 4th Geneva Convention.
— Imran Khan (@ImranKhanPTI) August 29, 2019
خیال رہے بارہ بجے سائرن بجیں گےاورقومی ترانہ پڑھاجائےگا جبکہ قومی ترانے کےبعد کشمیرکاترانہ بھی پڑھاجائےگا اور ملک بھر میں ٹریفک روک دی جائے گی۔
وفاقی حکومت کا مرکزی اجتماع شاہراہ دستور پر ہوگا، وزیر اعظم عمران خان وزیر اعظم سیکریٹریٹ کے سامنے اجتماع کی قیادت کریں گے، ملک بھر کے تمام اضلاع میں مخصوص مقامات پر احتجاج کیا جائے گا۔
واضح رہے وزیراعظم نے اپنے قوم سے خطاب میں کہا تھا کہ آخری سانس تک کشمیریوں کا ساتھ دیں گے، پاکستان کشمیر کے لیےہر حد اور ہر سطح تک جائےگا، اس جمعے سے ہر ہفتے آدھا گھنٹہ کشمیری بھائیوں کے نام کریں گے۔