The news is by your side.

Advertisement

وزیراعظم نے سعودیہ سمیت مختلف ممالک سے کئی منصوبے آگے بڑھانے پر مشاورت مکمل کرلی

اسلام آباد: وزیر اعظم عمران خان نے دورہ سعودی عرب کے بارے میں رہنماوں کا اعتماد میں لے لیا اور سعودیہ سمیت مختلف ممالک سےکئی منصوبے آگے بڑھانے پر مشاورت مکمل کرلی۔

تفصیلات کے مطابق وزیراعظم عمران خان کی زیر صدارت سعودی عرب کے دورہ سے متعلق اجلاس ہوا، ، جس میں وفاقی وزرا، معاونین اور وزارت خارجہ کے حکام شریک ہوئے، اجلاس میں وزیر اعظم نے دورہ سعودی عرب کے بارے میں رہنماوں کا اعتماد میں لیا۔

اجلاس میں وزیر اعظم کے حالیہ دورہ سعودی عرب میں معاہدوں کا جائزہ لیا گیا، اس حوالے سے وزیر داخلہ شیخ رشید نے وزیر اعظم کو سعودی عرب میں پاکستانی قیدیوں کی تفصیلات سے آگاہ کیا اور قیدیوں کی سزاؤں کی مدت،جرمانوں کی تفصیل،واپس لانےسے متعلق بریفنگ دی گئی۔

معاون خصوصی ملک امین اسلم نے وزیر اعظم کو بلین ٹری سونامی منصوبہ سے متعلق بھی بریفنگ دی گئی ، جس کے بعد وزیر اعظم نے سعودیہ سمیت مختلف ممالک سےکئی منصوبے آگے بڑھانے پر بھی مشاورت مکمل کرلی۔

خیال رہے وزیراعظم عمران خان نے دورہ سعودی عرب میں سعودی قیادت سےاہم ملاقاتیں کی جبکہ اہم معاہدوں پر دستخط کیے گئے تھے۔

اس دوران دونوں ممالک کے درمیان منشیات اور سائیکوٹر وپک مادہ کی اسمگلنگ روکنے کیلئے یاداشتوں ، پاکستان میں توانائی، ہائیڈرو پاور جنریشن، انفرا اسٹرکچر  ، مواصلات اورآبی وسائل کےشعبےمیں ترقی کی یادداشت پر بھی دستخط کئے گئے ، دونوں ممالک میں سزایافتہ قیدیوں کےتبادلےسےمتعلق بھی معاہدہ ہوا۔

Comments

یہ بھی پڑھیں