اسلام آباد : وزیراعظم عمران خان نے شاندارمہمان نوازی پر ملائیشیاکے وزیراعظم کاشکریہ ادا کرتے ہوئے کہا کہ ملائیشیا کادورہ دونوں ممالک کے تعلقات میں پختگی لائے گا۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے بیان میں کہا شاندارمہمان نوازی پر ملائیشیاکے وزیراعظم مہاتیر محمد کا تہہ دل سے شکریہ ادا کرتا ہوں اور دوستانہ جذبے سے استقبال پر ملائیشیا کے تاجروں اوروزرا کا بھی مشکور ہوں، ملائیشیا کادورہ دونوں ممالک کے تعلقات میں پختگی کاوسیلہ بنے گا۔
I want to express my heartfelt thanks to Prime Minister Mahathir Mohamad for his warm hospitality & I want to thank his Ministers & the Malaysian business community for welcoming us in the spirit of friendship. This trip will strengthen ties between our two countries.
— Imran Khan (@ImranKhanPTI) November 22, 2018
وزیراعظم نے ایک اور ٹوئٹ میں کہا ہمارے اعزاز میں شاندار ظہرانےپر ڈاکٹرمہاتیر محمد کی اہلیہ کا بھی مشکور ہوں۔
I especially want to thank the gracious Mrs Mahathir Mohamad for the wonderful lunch she arranged for us. https://t.co/HUKgllTRV3
— Imran Khan (@ImranKhanPTI) November 22, 2018
اس سے قبل ملائیشین وزیراعظم مہاتیر محمد نے سماجی رابطے کی ویب سائٹ ٹویٹر پر عمران کا ملائیشیا کا دورہ کرنے پر شکریہ ادا کرتے ہوئے کہا تھا کہ عمران خان کا وفد کے ہمراہ دورہ سود مند ثابت ہوگا۔
مزید پڑھیں : ملائیشیا کا دورہ کرنے پر عمران خان کا شکر گزار ہوں، مہاتیر محمد
وزیراعظم ملائیشیا مہاتیر محمد کا کہنا تھا کہ امید ہے دورہ دونوں ممالک کے درمیان تعاون کو مزید فروغ دے گا۔
خیال رہے گذشتہ روز وزیراعظم عمران خان ملائیشیا کا دو روزہ دورہ مکمل کرکے وطن واپس پہنچے تھے ، وزیر اعظم کو ملائشین ہم منصب مہاتیر محمد نے رخصت کیا اور انہیں واپسی پر بھی گارڈ آف آنر پیش کیا گیا۔
وزیراعظم عمران خان کے دورہ ملائیشیا کا مشترکہ اعلامیہ جاری کیا گیا تھا، جس میں کہا گیا تھا کہ دونوں وزرائےاعظم نے دوطرفہ ،علاقائی،بین الاقوامی امورپرتبادلہ خیال کیا، ملائیشیا نے دہشتگردی کے خاتمے کیلئے پاکستان کی کامیاب کوششوں کو سراہا جبکہ وزیر اعظم عمران خان نے مقبوضہ کشمیر میں انسانی حقوق کی خلاف ورزیوں سے مہاتیر محمد کو آگاہ کیا۔
مزید پڑھیں: ملائیشیا کی خاتون اول وزیراعظم عمران خان کی مداح
مشترکہ اعلامیہ کے مطابق پاک ملائیشاء وزرائے اعظم کی ملاقات کے دوران دو طرفہ تعلقات کو مزید مضبوط کرنےکے لیے ہر سطح پر روابط بڑھانے کی ضرورت پر زور دیا گیا اور دونوں ممالک کے درمیان ویزوں کے جزوی خاتمے کا معاہدہ ہوا۔
عمران خان نے ایل این جی، پن بجلی اور قابل تجدید توانائی میں ملائیشیا کے تعاون کا خیر مقدم کیا اور ملائیشین کمپنیوں کو پاکستان میں خصوصی اقتصادی زون میں سرمایہ کاری کی دعوت بھی دی، دونوں ممالک نے دفاعی تعاون کیلئے مفاہمت کی یاد داشت کا اعادہ کیا ۔
