The news is by your side.

Advertisement

وزیراعظم عمران خان نے فیصل آباد میں پناہ گاہ کا افتتاح کردیا

فیصل آباد : وزیراعظم عمران خان نےفیصل آباد میں پناہ گاہ کاافتتاح کردیا ،عمران خان نےپناہ گاہ کے مختلف حصوں کا معائنہ کیا اور پناہ گاہ میں موجود افراد کیساتھ کھانا کھایا ۔

تفصیلات کے مطابق غریب اور بے گھر افراد کیلئے وزیراعظم عمران خان کی کاوشیں جاری ہے ، عمران خان نے دورہ فیصل آباد کےدوران پناہ گاہ کاافتتاح کیا ، اس موقع پر وزیراعلیٰ پنجاب عثمان بزداربھی موجود تھے۔

حکام نے وزیراعظم کو پناہ گاہ کادورہ کرایا اور پناہ گاہ میں فراہم کی جانیوالی سہولتوں پر بریف کیا ، عمران خان نےپناہ گاہ کے مختلف حصوں کا معائنہ کیا اور پناہ گاہ میں موجود افراد کیساتھ کھانا بھی کھایا جبکہ پناہ گاہ سے متعلق یادداشت پر دستخط بھی کیے گئے۔

یاد رہے 3 روز قبل بھی وزیر اعظم عمران خان اور وزیر اعلیٰ پنجاب سردار عثمان بزدار کی ہدایات پر بے سہارا افراد کے لیے اقدامات کرتے ہوئے پنجاب کے 36 اضلاع میں 92 عارضی پناہ گاہیں قائم کی گئیں تھیں۔

مزید پڑھیں : وزیر اعظم کی ہدایت پر پنجاب میں بے سہارا افراد کے لیے عارضی پناہ گاہیں قائم

92 عارضی پناہ گاہوں میں 17 سو افراد کو منتقل کیا جا چکا ہے جنہیں کھانے پینے کی سہولت بھی دی جا رہی ہے، بہاولپور ڈویژن کے 3 اضلاع میں 8 پناہ گاہیں قائم کی گئی، جن میں 241 افراد کو منتقل کیا گیا ہے۔

خیال رہے کہ وزیراعظم عمران خان کی ہدایت پر مختلف شہروں میں پناہ گاہیں بنائی جارہی ہیں، انھوں نے ہدایت کی تھی کہ شدید سردی میں کوئی بھی شخص بغیر شیلٹر کے نہ رہے۔ پنجاب اور پختونخواہ کے وزرائے اعلیٰ اس بات کو یقینی بنائیں۔

وزیر اعظم نے کہا تھا کہ جو افراد پناہ گاہوں میں نہیں انتظامیہ ان کو کھانا اور عارضی پناہ گاہیں فراہم کرے۔

fb-share-icon0
Tweet 20

Comments

comments

یہ بھی پڑھیں