اسلام آباد : پاک بھارت موجودہ صورتحال پر وزیراعظم عمران خان کچھ دیر بعد قوم سے خطاب کریں گے اور نیشنل کمانڈ اتھارٹی میں ہونے والے فیصلوں سے آگاہ کریں گے۔
تفصیلات کے مطابق وزیراعظم عمران خان کی زیرصدارت نیشنل کمانڈ اتھارٹی کا اہم اجلاس جاری ہے ، اجلاس کے بعد وزیراعظم عمران خان قوم سے خطاب کریں گے۔
وزیراعظم کا خطاب سرکاری ٹی وی 3بجکر 15منٹ پر نشر کیا جائےگا۔
عمران خان اپنے خطاب میں موجودہ صورتحال پر قوم کو اعتمادمیں لیں گے اور نیشنل کمانڈ اتھارٹی میں ہونے والے فیصلوں سے آگاہ کریں گے۔
مزید پڑھیں : وزیراعظم عمران خان کی زیرصدارت نیشنل کمانڈ اتھارٹی کا اہم اجلاس جاری
نیشنل کمانڈ اتھارٹی کے جلاس میں تینوں مسلح افواج کے سربراہان، چیئرمین جوائنٹ چیفس آف اسٹاف کمیٹی،سروسز چیفس اور دیگرحکام شریک ہیں جبکہ وزیر خارجہ شاہ محمود قریشی ، وزیر دفاع پرویز خٹک ، وزیر خزانہ اسد عمر اور دفاعی پیداوار کے حکام بھی موجود ہیں۔
اجلاس میں ملکی سلامتی اور جوہری صلاحیت سےمتعلق امور تبادلہ خیال کیا جائے گا اور بھارت کی جانب سے فضائی دراندازی سے پیدا ہونے والی صورتحال پر غور کریں گے جبکہ بھارتی جارحیت پر پاکستان کےممکنہ رد عمل کاحتمی فیصلہ ہوگا۔
گذشتہ روز بھارتی دراندازی کے بعد وزیراعظم عمران خان کی زیرصدارت قومی سلامتی سے متعلق اجلاس ہوا تھا ، جس میں وزیراعظم نے پاک فضائیہ کے بروقت ایکشن کی تعریف کرتے ہوئے پاک فوج اور عوام کو تیار رہنے کی ہدایت کی تھی اور کہا تھا جوابی کارروائی کیلئے پاکستان وقت اور جگہ کا انتخاب خود کرے گا۔
