وزیر اعظم عمران خان ایک روزہ دورے پر کوئٹہ پہنچ گئے
The news is by your side.

Advertisement

وزیر اعظم عمران خان ایک روزہ دورے پر کوئٹہ پہنچ گئے

کوئٹہ :وزیراعظم عمران خان ایک روزہ دورے پر کوئٹہ پہنچ گئے ، جہاں وزیراعظم صوبائی کابینہ کےاراکین سےملاقات کریں گے اور ترقیاتی منصوبوں سےمتعلق اجلاس کی صدارت کریں گے۔

تفصیلات کے مطابق وزیراعظم عمران خان ایک روزہ دورے پر کوئٹہ پہنچے تو وزیراعلیٰ بلوچستان جام کمال نے وزیراعظم کا استقبال کیا، عمران خان کی کوئٹہ آمد پر استقبالیہ بینرز آویزاں کئے گئے ہیں۔

اپنے دورے کے دوران وزیراعظم صوبائی کابینہ کے اجلاس میں شرکت کریں گے اور بلوچستان کےعوام کیلئے جاری ترقیاتی منصوبوں پربریفنگ لیں گے جبکہ وزیراعلیٰ اور گورنربلوچستان سے ملاقاتیں کریں گے۔

دورہ کوئٹہ میں وزیراعظم عمران خان پارلیمنٹیرینز اور سول سوسائٹی کےنمائندوں سے ملاقات کریں گے اور قومی،صوبائی اور سینیٹ ارکان سے خطاب بھی کریں گے۔

خیال رہے عمران خان کا وزارت عظمیٰ کا عہدہ سنبھالنے کے بعد پہلا دورہ بلوچستان ہے۔

مزید پڑھیں : وزیراعظم کا دورہ پشاور، وزیراعلیٰ سے ملاقات

یاد رہے گذشتہ ہفتے وزیراعظم پاکستان عمران خان ایک روزہ دورے پر پشاور گئے تھے ، جہاں گورنر خیبرپختونخواہ شاہ فرمان اور وزیراعلیٰ محمود خان نے ایئرپورٹ پر وزیراعظم کا استقبال کیا تھا۔

وزیراعظم نے وزیراعلیٰ‌ محمود خان سے ملاقات کی تھی، اس ملاقات میں وزیراعظم کو صوبائی حکومت کے100روزہ پلان سے آگاہ کیا گیا تھا۔

Comments

comments

یہ بھی پڑھیں