The news is by your side.

Advertisement

قومی رابطہ کمیٹی کا اجلاس، لاک ڈاؤن میں نرمی یا بڑھانے سے متعلق اہم فیصلے متوقع

اسلام آباد : وزیراعظم عمران خان کی زیرصدارت قومی رابطہ کمیٹی کے اجلاس میں لاک ڈاؤن میں نرمی یا بڑھانے سے متعلق اہم فیصلے متوقع ہے۔

تفصیلات کے مطابق وزیراعظم عمران خان کی زیرصدارت قومی رابطہ کمیٹی کا اجلاس جاری ہے،اجلاس میں صوبوں کے وزرائے اعلیٰ، عسکری حکام شریک ہیں جبکہ وفاقی وزرا،چیئرمین این ڈی ایم اے بھی اجلاس میں موجود ہیں۔

اجلاس میں کوروناوائرس کے تدارک کیلئے حکومتی اقدامات کاجائزہ لیا جارہا ہے،چیئرمین این ڈی ایم اے اور معاون خصوصی ظفر مرزابریفنگ دیں گے اور شرکاء کو وائرس کی روک تھام سےمتعلق حکومتی اقدامات سے آگاہ کیا جائے گا۔

اجلاس میں جزوی فضائی آپریشن کی صورتحال کا بھی جائزہ لیا جائے گااور معاشی ٹیم ملکی تازہ معاشی صورتحال پربریفنگ دے گی۔

اجلاس میں کورونا وائرس کے پھیلاؤ کو روکنے کے لیے لاک ڈاؤن میں نرمی یا بڑھانے سے متعلق اہم فیصلے متوقع ہے۔

یاد رہے وزیراعظم عمران خان کا کہنا تھا کہ جہاں بھی کرونا وائرس پھیلےگا وہاں مکمل لاک ڈاؤن کریں گے، کرونا وائرس کے خلاف جنگ ابھی طویل چلے گی، یہ وائرس کسی کو نہیں بخشےگا۔

اس سے قبل وزیراعظم عمران خان نے قومی رابطہ کمیٹی کے اجلاس میں کہا تھا کہ کوروناسےمتعلق اعداد و شمار کسی صورت نہ چھپائے جائیں ، معلومات چھپانا قومی سلامتی خطرے میں ڈالنے کے مترادف ہوگا۔

انھوں نے کہا تھا کہ 14اپریل تک ایسےہی پابندیاں جاری رکھی جائیں گی اور 14 اپریل کےبعدجائزہ لےکرآئندہ کے فیصلے کریں گے۔

Comments

یہ بھی پڑھیں