The news is by your side.

Advertisement

بے نظیر انکم سپورٹ پروگرام کا نام تبدیل ہوگا: وزیر اعظم کا فیصلہ

خان گڑھ: وزیر اعظم عمران خان نے آج جی ڈی اے کے رہنما علی گوہر مہر کی رہائش گاہ پر اتحادیوں کے مطالبے پر کہا کہ بے نظیر انکم سپورٹ پروگرام کا نام تبدیل ہوگا۔

تفصیلات کے مطابق وزیرِ اعظم عمران خان نے سندھ دورے کے موقع پر خان گڑھ میں گرینڈ ڈیموکریٹک الائنس کے رہنما علی گوہر کی رہائش گاہ پر اتحادی جماعتوں کے اراکین سے ملاقات کی۔

ملاقات میں وزیر اعظم سے اتحادی جماعتوں کے اراکین نے مطالبہ کیا کہ بے نظیر انکم سپورٹ پروگرام وفاقی حکومت کا پروگرام ہے لیکن وہ سمجھتے ہیں کہ یہ صوبائی حکومت کا پروگرام ہے، اگر اس کا نام تبدیل کیا جائے تو اچھا ہوگا۔

اتحادیوں کے مطالبے پر وزیرِ اعظم عمران خان نے فوری یقین دہانی کرا دی، انھوں نے مطالبے پر فوراً کہا ’تبدیل ہو گیا نام۔‘

یہ بھی پڑھیں:  وزیر اعظم سے علی گوہر کی رہائش گاہ پر اتحادی جماعتوں کے اراکین کی ملاقات

خیال رہے کہ وزیر اعظم نے بے نظیر انکم سپورٹ پروگرام کی تبدیلی کا اعلان سندھ میں اتحادیوں کے مطالبے پر کیا ہے، یہ دورہ سندھ پر ایک اور بڑا اعلان ہے۔

قبل ازیں ملاقات میں وزیرِ اعظم عمران خان نے اراکین سے گفتگو کرتے ہوئے کہا کہ کرپشن اور لوٹ مار کو بے نقاب کرنے کا مشن اتحادی جماعتوں کا مشترکہ فیصلہ تھا، ہم نے مل کر اس مشن کو پایہ تکمیل تک پہنچانا ہے۔

ان کا کہنا تھا کہ سندھ کے عوام کی غربت کی وجہ وسائل کی کمی نہیں بلکہ بے لگام کرپشن ہے، بے لگام کرپشن نے صوبے کے عوام کو غربت کی دَل دَل میں دھکیلا ہے۔

Comments

comments

یہ بھی پڑھیں