اسلام آباد: وزیرِ اعظم عمران خان نے صوبائی حکومتوں کو امن و امان برقرار رکھنے کی ہدایت کر دی، انھوں نے کہا صوبائی حکومتیں شہریوں کی جان و مال کے تحفظ کو یقینی بنائیں۔
تفصیلات کے مطابق سپریم کورٹ کا فیصلہ آنے کے بعد وزیرِ اعظم عمران خان نے تمام صوبائی حکومتوں کو امن و امان برقرار رکھنے کی ہدایت کر دی۔
[bs-quote quote=”ملک کو ہیجانی صورتِ حال سے فوری نکالا جائے: عمران خان” style=”style-7″ align=”left” color=”#dd3333″][/bs-quote]
وزیرِ اعظم عمران خان نے صوبائی حکومتوں سے کہا کہ انتظامیہ کو ہر طرح سے الرٹ رہنے کی ہدایت کی جائے اور ملک کو ہیجانی صورتِ حال سے فوری نکالا جائے۔
وزیرِ اعظم کی جانب سے ہدایت موصول ہونے کے بعد صوبائی حکومتوں نے امن و امان برقرار رکھنے کے لیے حکمتِ عملی پر غور شروع کر دیا۔
ملک کے مختلف شہروں کی انتظامیہ نے خصوصی اجلاس بلا لیے، اجلاسوں میں شہروں میں دھرنے ختم کرانے کے لیے حکمت عملی طے کی جائے گی۔
یہ بھی پڑھیں: آسیہ کیس کا فیصلہ آئین کے مطابق ہوا، پاکستان کا دستور قرآن و سنت کے تابع ہے، عمران خان
خیال رہے کہ آج سپریم کورٹ کی جانب سے آسیہ بی بی کیس میں رہائی کا فیصلہ آنے کے بعد وزیرِ اعظم عمران خان نے قوم سے خطاب کرتے ہوئے کہا کہ ججز کا فیصلہ آئین کے مطابق ہے اور آئینِ پاکستان قرآن و سنت کے تابع ہے۔
وزیرِ اعظم نے خطاب میں سپریم کورٹ کے فیصلے پر ملک بھر میں ہونے والے ردِ عمل کو ایک محدود طبقے کی طرف سے سامنے آنے والا ردِ عمل قرار دیا۔