The news is by your side.

Advertisement

وزیر اعظم کا مہمند ایجنسی کے لیے صحت انصاف کارڈ کے اجرا کا اعلان

پشاور: وزیر اعظم عمران خان نے قبائلی علاقے مہمند ایجنسی کے لیے صحت انصاف کارڈ کے اجرا کا اعلان کرتے ہوئے کہا کہ صحت کارڈ سے عام آدمی کی زندگی بہتر ہوگی۔

تفصیلات کے مطابق وزیر اعظم عمران خان قبائلی علاقے مہمند ایجنسی پہنچے، گورنر شاہ فرمان اور وزیر اعلیٰ خیبر پختونخواہ محمود خان سمیت وفاقی وزرا بھی وزیر اعظم کے ہمراہ تھے۔

اس موقع پر وزیرِ اعظم کو انتظامی اصلاحات اور سیکیورٹی کی صورتحال پر بریفنگ دی گئی۔ مہمند کے علاقے غلنئی میں وزیر اعظم نے قبائلی عمائدین سے گفتگو کرتے ہوئے کہا کہ قبائلی علاقوں کی روایتیں تبدیل نہیں ہوں گی۔

وزیر اعظم نے کہا کہ قبائلی علاقے اپنی روایات برقرار رکھتے ہوئے ترقی بھی کریں گے، قبائلی علاقے کو پہلے علاقہ غیر کہتے تھے۔ قبائلی علاقوں میں انضمام کے بعد ترقی اور خوشحالی آئے گی۔

انہوں نے کہا کہ قبائلی اضلاع میں سیاحت کو بھی فروغ دیا جائے گا، طے کیا جا رہا ہے ترقیاتی کاموں پر فنڈز کا کیسے استعمال کیا جائے۔

وزیر اعظم نے علاقے کے لیے صحت انصاف کارڈ کے اجرا کا اعلان کرتے ہوئے کہا کہ صحت کارڈ ایک غریب آدمی کے لیے بڑی نعمت ہے۔ صحت کارڈ سے عام آدمی کی زندگی بہتر ہوگی۔

وزیر اعظم کا کہنا تھا کہ ہماری کوشش ہے لوگوں کو روزگار اور اعلیٰ تعلیم ملے، حکومتی اقدامات سے علاقے کو بڑا فائدہ ہوگا۔

Comments

comments

یہ بھی پڑھیں