The news is by your side.

Advertisement

مشکل فیصلوں کا مقصد معیشت کی سمت درست کرنا ہے، وزیراعظم

اسلام آباد: وزیراعظم عمران خان نے کہا ہے کہ مشکل فیصلوں کا مقصد معیشت کی سمت درست کرنا ہے، معاشی صورت حال مدنظر رکھ کر حکومت نے مشکل فیصلے کیے۔

تفصیلات کے مطابق وزیراعظم عمران خان سے وزیراعلیٰ پنجاب عثمان بزدار نے ملاقات کی اس موقع پر خسرو بختیار، حفیظ شیخ، رزاق داؤود، مخدوم ہاشم جوان بخت، شبر زیدی بھی موجود تھے۔

ملاقات میں پنجاب میں صنعتی شعبے، زراعت اور سیاحت کے فروغ پر تبادلہ خیال کیا گیا، خصوصی اقتصادی زونز کے قیام اور تاجروں کے مسائل پر گفتگو کی گئی۔

کاروباری برادری کے تحفظات کا مکمل ادراک ہے

وزیراعظم عمران خان

وزیراعظم عمران خان نے کہا کہ نامساعد حالات میں حکومت نے متوازن بجٹ پیش کیا ہے، صنعتے شعبے کا فروغ اور کمزور طبقے کے تحفظ پر توجہ دی گئی ہے۔

انہوں نے کہا کہ ملک کو معاشی مشکلات سے نکالنا ہے، کاروباری برادری کے تحفظات کا مکمل ادراک ہے، کاروباری برادری سمیت دیگر معاشی ترقی میں حصہ دار بنیں۔

وزیراعظم عمران خان نے کہا کہ ایف بی آر میں اصلاحات کا عمل جاری ہے، عمران خان نے چیئرمین ایف بی آر شبر زیدی سمیت معاشی ٹیم کو کاروباری تنظیموں سے ملاقات کرنے کی ہدایت دی۔

وزیراعظم نے چیئرمین ایف بی آر کو ہدایت کی کہ کاروباری تنظیموں سے ملاقات کرکے معاشی و ٹیکس نظام میں اصلاحات سے آگاہ کیا جائے۔

Comments

یہ بھی پڑھیں