The news is by your side.

Advertisement

مردم شماری کے لیے تمام اسٹیک ہولڈرز کو اعتماد میں لیا جائے گا: وزیر اعظم

اسلام آباد: وزیر اعظم عمران خان سے متحدہ قومی موومنٹ کے وفد کی ملاقات ہوئی، وفد نے سندھ میں پبلک ٹرانسپورٹ اور انفراسٹرکچر کی بہتری کے لیے وفاقی حکومت کے منصوبوں پر خراجِ تحسین پیش کیا۔

تفصیلات کے مطابق وزیر اعظم عمران خان سے متحدہ قومی موومنٹ کے وفد کی ملاقات ہوئی، ملاقات میں امین الحق، خالد مقبول صدیقی، فیصل سبزواری اور اسد عمر شریک تھے۔

ملاقات میں مردم شماری اور سندھ میں وفاقی ترقیاتی منصوبوں پر گفتگو ہوئی۔

وفد کا کہنا تھا کہ حکومت اور اتحادی جماعتیں مل کر سندھ اور کراچی کی ترقی کے لیے کردار ادا کر رہی ہیں۔ وفد نے پبلک ٹرانسپورٹ اور انفراسٹرکچر کی بہتری کے لیے وفاقی حکومت کے منصوبوں پر خراجِ تحسین پیش کیا۔

اس موقع پر وزیر اعظم عمران خان کا کہنا تھا کہ مردم شماری کے لیے تمام اسٹیک ہولڈرز کو اعتماد میں لیا جائے گا۔

انہوں نے کہا کہ موجودہ دورحکومت میں ادارے آزاد ہیں، الیکٹرانک ووٹنگ مشین انتخابی عمل میں شفافیت لے کر آئے گی۔ ای وی ایم کے انتخابی عمل پر مثبت اثرات سے آگاہی دینے کی ضرورت ہے۔

Comments

یہ بھی پڑھیں