The news is by your side.

وزیر اعظم عمران خان سے بر طانوی ر کن پار لیمنٹ سعیدہ وارثی کی ملاقات

اسلام آباد : وزیر اعظم عمران خان نے بر طانوی ر کن پار لیمنٹ سعیدہ وارثی سے ملاقات میں مقبوضہ کشمیر میں انسانی حقوق کی خلاف ورزیوں سے آگاہ کیا اور امن وامان کی صورتحال سمیت مختلف امورپر تبادلہ خیال کیا۔

تفصیلات کے مطابق وزیراعظم عمران خان سے پاکستانی نژاد برطانوی پارلیمنٹرین اور کنزرویٹوپارٹی کی رہنما سعیدہ وارثی نے ملاقات کی، ملاقات میں خطے کی امن وامان کی صورتحال سمیت مختلف امورپر تبادلہ خیال کیا گیا ۔

اس موقع پر وزیر اعظم کے معاون خصوصی سید ذو الفقار بخاری بھی موجود تھے ۔

ذرائع کے مطابق ملاقات کے دور ان خطے کی موجودہ صورتحال اور پاک برطانیہ تعلقات سمیت مختلف امورپر تبادلہ خیال کیا گیا اور وزیر اعظم نے مقبوضہ کشمیر میں انسانی حقوق کی خلاف ورزیوں سے آگاہ کیا۔

یاد رہے رواں سال فروری میں بھی وزیراعظم عمران خان سے سعیدہ وارثی نے وفد کے ہمراہ ملاقات کی تھی، وفد میں ناز شاہ، لوڈ روگن، رکن پارلیمنٹ فیصل رشید اور جان ڈیوس شامل تھے۔

وزیراعظم نے ملاقات کے دوران مقبوضہ کشمیر میں بھارتی افواج کے مظالم اور بھارتی حکومت کی طرف سے پیدا کردہ جنگی جنون کو اجاگر کیا تھا جبکہ سعیدہ وارثی نے وزیراعظم کے وژن اور قیادت کو سراہا۔

وفد نے اقتصادی چیلنجز، بہتر اسلوب حکمرانی اور بدعنوانی کے خاتمہ سمیت مختلف چیلنجوں سے نبرد آزما ہونے کے لئے حکومت کی طرف سے اٹھائے جانے والے اقدامات کی بھی تعریف کی تھی۔

Comments

یہ بھی پڑھیں