اسلام آباد: وزیر اعظم عمران خان نے کہا ہے کہ بیرونی خسارے میں کمی کے واضح اور مثبت نتائج سامنے آرہے ہیں.
وزیر اعظم عمران خان نے عندیہ دیا ہے کہ بیرونی ادائیگیوں میں عدم توازن دور کرنے میں پاکستان کو بڑی کامیابی ملی ہے.
عمران خان نے کہا کہ برآمدات اور ترسیلات زر میں اضافےکے ثمرات سامنے آرہے ہیں، حکومتی اقدامات سے درآمدات میں کمی کا پھل مل رہا ہے.
برآمدات و ترسیلات زر بڑھاکر اور درآمدات کم کرکے بیرونی ناہمواریوں میں کمی کی حکومتی کاوشیں بارآور ثابت ہورہی ہیں۔ گزشتہ برس کے مقابلے میں کرنٹ اکاؤنٹ خسارہ 6 ارب $ کم ہے جبکہ رواں برس جولائی کا خسارہ جولائی 2018 کے مقابلے میں 73% یا 1.5 ارب $ کم ہے جو یقیناً ایک بڑی کامیابی ہے۔
— Imran Khan (@ImranKhanPTI) August 21, 2019
انھوں نے کہا کہ جاری کھاتوں کا خسارہ گزشتہ سال کے مقابلے میں 6 ارب ڈالرکم ہوا، جولائی میں کرنٹ اکاؤنٹ خسارےمیں73 فیصدکمی ریکارڈ کی گئی.
مزید پڑھیں: وزیراعظم عمران خان کا پولیو کے بڑھتے کیسز پر تشویش کا اظہار
وزیراعظم عمران خان کے مطابق کرنٹ اکاؤنٹ خسارہ گزشتہ سال جولائی کےمقابلےمیں ڈیڑھ ارب ڈالرکم ہوا، جو ایک بڑی کامیابی ہے.
خیال رہے کہ آج گورنر سندھ عمران اسماعیل نے وزیر اعظم عمران خان سے ملاقات کی، اس موقع پر وزیر اعظم نے انھیں کراچی میں مقیم کشمیر برادری سے ملاقات کرنے اور ان مسئلہ کشمیر کو اجاگر کرنے کی خصوصی ہداہت کی.