The news is by your side.

Advertisement

چین اور روسی کمپنیوں نے پاکستان اسٹیل کی بحالی میں دل چسپی ظاہر کر دی

اسلام آباد: وزیر اعظم عمران خان نے کہا ہے کہ  پاکستان اسٹیل ملز کی بحالی حکومت کی اولین ترجیحات میں شامل ہے۔

ان خیالات کا اظہار  انھوں نے  پاکستان اسٹیل کی بحالی سے متعلق اجلاس میں میں کیا. مشیر تجارت، وزیر نجکاری اور  چیئرمین بورڈ آف ڈائریکٹرز  اجلاس میں شریک ہوئے.

اس موقع پر  وزیراعظم کو پاکستان اسٹیل کی بحالی کے لئے کوششوں  اور  مختلف آپشنز پر بریفنگ دی گئی.

انھیں مطلع کیا گیا کہ پاکستان اسٹیل کی بحالی کے لئے چین اور  روسی کمپنیوں نے پیش کش کی، پاکستان اسٹیل کی بحالی میں دل چسپی کا اظہار کیا ہے، مختلف تجاویز پر غور کیا جا رہا ہے.

مزید پڑھیں: اسٹیل ملز ملازمین کے گھروں میں فاقے ہو رہے ہیں: سینیٹ قائمہ کمیٹی

اس موقع پر وزیر اعظم نے کہا کہ پاکستان اسٹیل ملزکی بحالی حکومت کی اولین ترجیحات میں شامل ہے، ماضی میں ادارےکو فراموش کیا جانا قوم پرظلم کے مترادف ہے.

کوشش ہے کہ پاکستان اسٹیل کو بحال کر کے منافع بخش ادارہ بنایا جائے، ادارے کو بحال کرکے خزانے پرہر ماہ پڑنے والے بوجھ کو ختم کیا جا سکے.

وزیراعظم عمران خان کا کہنا تھا کہ ادارے کو فعال بنایا جائے، تاکہ ملکی تعمیرمیں کردارادا کر سکے.

Comments

comments

یہ بھی پڑھیں