اسلام آباد: وزیر اعظم عمران خان نے کہا ہے کہ اب کسی کی جنگ کاحصہ نہیں، البتہ امن کے لئے ثالثی کا بھرپور کردار ادا کریں گے.
ان خیالات کا اظہار وزیراعظم عمران خان نے ٹیکسٹائل انڈسٹری کے نمائندگان سے خطاب کرتے ہوئے کہا، تقریب حکومت کی طرف سےانڈسٹری کی ترقی کے لئےاقدامات کی پذیرائی پرمنعقد کی گئی۔
وزیر اعظم نے کہا کہ پاکستان کے معاشی مسائل کے حل کے لئے صنعتی ترقی ناگزیر ہے، حکومت صنعت کاروں کے مسائل کے حل کے لئے پرعزم ہے.
انھوں نے کہا کہ صنعت کاروں کے لئے آسانی، حوصلہ افزا ماحول پیدا کرنے سے معاشی ترقی ہوتی ہے، عوام کو روزگار کے مواقع فراہم ہوتے ہیں۔
وزیراعظم عمران خان کا کہنا تھا کہ اب ہم کسی کی جنگ کا حصہ نہیں بنیں گے، ہم امن کے لئے مسلم دنیا اور خطے میں ثالثی کا بھرپور کردار ادا کریں گے۔
مزید پڑھیں: کچھ بھی ہوجائے احتساب کا عمل نہیں رکے گا:عمران خان
ان کا کہنا تھا کہ ہمارا مقصد پاکستان کو معاشی طور پر مستحکم بنانا اور پاکستانی عوام کی خوش حالی ہے، انشاللہ پاکستان ایک خوددارملک بنے گا۔
یاد رہے کہ آج حکومت پنجاب نے اپنی کابینہ کی سو روزہ کارکردگی سے متعلق تقریب منعقد کی، جس سے خطاب کرتے ہوئے وزیراعظم عمران خان نے کہا کہ ہم اپوزیشن کی ہر بات مانیں گے، مگر احتساب کا عمل نہیں رکے گا۔
