اسلام آباد: وزیراعظم عمران خان کی زیرصدارت مشترکہ مفادات کونسل کااجلاس کل ہوگا ، جس میں مردم شماری کے نتائج جاری کرنے سے متعلق فیصلہ متوقع ہے۔
تفصیلات کے مطابق مشترکہ مفادات کونسل کا اجلاس بدھ کو طلب کرلیا گیا، مشترکہ مفادات کونسل کااجلاس کی صدارت وزیراعظم عمران خان کریں گے، اجلاس میں چاروں وزرائےاعلٰی،وفاقی وزراشریک ہوں گے۔
مشترکہ مفادات کونسل کے اجلاس میں گزشتہ سی سی آئی اجلاس میں فیصلوں پرعملدرآمد اور اوگراآرڈیننس میں ترمیم سےمتعلق فیصلےکا جائزہ لیا جائے گا جبکہ نیپرا رپورٹ2018/19 پیش کی جائے گی۔
اجلاس میں مردم شماری کےنتائج جاری کرنے سے متعلق فیصلہ متوقع ہے ، چشمہ رائٹ بینک کینال کےلوورپورشن کاکنٹرول پنجاب منتقل کرنے اور ایل این جی کی درآمدسےمتعلق فیصلے پرغورہوگا۔
سی سی آئی اجلاس میں سی جے ہائیڈروکو این اوسی دینے سےمتعلق اور واٹراکارڈ1991 سےمتعلق اٹارنی جنرل کی تجاویز پر غورہوگا جبکہ کونسل کوملکی صنعتوں سےمتعلق بریفنگ بھی دی جائے گی۔
وزیراعظم کی زیر صدارت اجلاس میں ایف بی آرکی جانب سےصوبائی کنسالیڈیٹڈفنڈ سےکٹوتی کامعاملہ زیربحث آئے گا اور اٹھارویں ترمیم کے بعد ہائر ایجوکیشن کمیشن سے متعلقہ امور پر غور کیا جائے گا۔
