The news is by your side.

Advertisement

کشمیر کی صورت حال، یو اے ای سمیت مسلم ممالک سے امیدیں وابستہ ہیں: وزیر اعظم

وزیر اعظم اور  یو  اے ای کے  ولی عہد کے ٹیلی فونک رابطے کا اعلامیہ جاری

اسلام آباد: وزیر اعظم اور  یو  اے ای کے  ولی عہد شیخ بن زید النیہان کے درمیان کشمیر سے  متعلق ٹیلی فونک رابطے کا اعلامیہ جاری ہوگیا۔

تفصیلات کے مطابق گزشتہ رات ہونے والے  رابطے پر وزیراعظم آفس نے اعلامیہ جاری کر دیا، جس کے مطابق وزیراعظم نے یو  اے ای ولی عہد کو مقبوضہ کشمیر کی صورت حال سے آگاہ کیا، انھوں نے کہا کہ مقبوضہ وادی میں کرفیو چوتھے ہفتے میں داخل ہوچکا ہے.

مقبوضہ وادی میں لاک ڈاؤن سنگین انسانی حقوق کی خلاف ورزی ہے، بھارت کی ایل اوسی پر سیز فائر خلاف ورزیوں میں شدت آگئی ہے، کشمیریوں پر مظالم سے توجہ ہٹانے کے لئے بھارت کی جھوٹی کارروائی کا خدشہ ہے.

وزیر اعظم کا کہنا تھا کہ نازک موڑپر قوم کی یو اے ای سمیت مسلم ممالک سے امیدیں وابستہ ہیں، عالمی برادری کرفیو کے خاتمے، کشمیریوں کے حقوق کے تحفظ کے لئے اقدامات کرے.

مزید پڑھیں: نیا کشمیر سے آنکھیں  نہیں چرا سکتی، بھارتی مظالم نہ رُکے، تو جنگ کا خطرہ ہے: عمران خان

اعلامیہ کے مطابق شیخ محمد بن زید نے صورت حال سے آگاہ کرنے پر وزیراعظم عمران خان کا شکریہ ادا کیا. دونوں رہنماؤں نے مقبوضہ کشمیر کی سنگین صورت حال کے پیش نظر  رابطے میں رہنے پر اتفاق کیا ہے.

خیال رہے کہ آج وزیر  اعظم عمران خان کی اپیل پر ملک بھر میں پاکستان کے کروڑوں عوام کشمیریوں سے فقیدالمثال یک جہتی کا مظاہرہ کیا گیا۔

بارہ بجے سائرن بجتے ہی قومی ترانے کے بعد کشمیرکا ترانہ پڑھاگیا۔ ٹریفک سگنلز بندہوگئے،ٹرینز بھی رک گئیں،فضائی حدود بھی بندرہی۔

Comments

comments

یہ بھی پڑھیں