تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم بننے کے بعد عمران خان کی مزارِ قائد پر پہلی حاضری

کراچی : وزیراعظم عمران خان ایک روزہ دورے پر کراچی پہنچ گئے، انہوں نے دورے کا آغاز مزار قائد پر حاضری سے کیا۔

تفصیلات کے مطابق وزیراعظم عمران خان آج ایک روزہ دورے پر کراچی پہنچے جہاں گورنرسندھ عمران اسماعیل اور وزیراعلیٰ سندھ مراد علی شاہ نے ان کا استقبال کیا جس کے بعد وہ مزار قائد گئے۔

وزیراعظم عمران خان نے مزار قائد پرفاتحہ خوانی کی اور پھولوں کا گلدستہ بھی رکھا، انہوں نے
مہمانوں کی کتاب میں تاثرات بھی قلمبند کیے۔

وزیراعظم پاکستان نے لیاقت علی خان اورفاطمہ جناح کے مزار پر بھی حاضری دی۔

وزیراعظم کے دورے کے پیش نظر سیکیورٹی کے سخت انتظامات کیے گئے تھے اور مزار قائد اور دیگر مقامات کے اطراف پولیس، رینجرز کے اہلکار تعینات تھے۔

وزیراعظم کی زیرصدارت وفاق کے تعاون سے کراچی میں جاری ترقیاتی منصوبوں پراجلاس بھی ہوگا جس میں گرین لائن بس منصوبہ، فراہمی آب کے منصوبہ کے فور اور کراچی پیکج پربریفنگ دی جائے گی۔

وزیراعظم عمران خان کی امن اومان سے متعلق اجلاس کی صدارت کریں گے جس میں گورنر اور وزیراعلیٰ سمیت کورکمانڈر کراچی، ڈی جی رینجرز اور آئی جی سندھ شرکت کریں گے۔

عمران خان اسٹیٹ گیسٹ ہاؤس میں پودا لگانے کے علاوہ تاجروں اور صحافیوں کے وفود سے بھی الگ الگ ملاقاتیں کریں گے۔

عمران خان اتوار کو خوش خبری لے کرکراچی آرہے ہیں، علی زیدی

یاد رہے کہ دو روز قبل وزیربرائےبحری امورعلی زیدی کا کہنا تھا کہ عمران خان اتوار کو خوش خبری لے کرکراچی آرہے ہیں، کراچی والوں کے لیے خوش خبری کا اعلان وزیراعظم خود کریں گے۔

علی زیدی کا کہنا تھا کہ وزیراعظم عمران خان کا دورہ کراچی خصوصی اہمیت کا حامل ہے اور اپنے اس دورے میں شہرقائد کے لیےخصوصی اعلانات کریں گے۔

واضح رہے کہ وزارتِ عظمیٰ کا حلف اٹھانے کے بعد عمران خان کا یہ پہلا کراچی کا دورہ ہوگا، عام انتخابات سے قبل تحریک انصاف کے چیئرمین نے شہر قائد میں جلسے کیے اور حکومت ملنے کی صورت میں ترقیاتی منصوبے شروع کرنے کا عندیہ بھی دیا تھا۔

Comments

- Advertisement -