The news is by your side.

وزیر اعظم عمران خان کا آئی ایس آئی سیکریٹریٹ کا دورہ

وزیر اعظم عمران خان نے آرمی چیف اور وفاقی وزراء کے ہمراہ انٹر سروسز انٹیلیجنس (آئی ایس ‏آئی) سیکریٹریٹ کا دورہ کیا ہے۔

تفصیلات کے مطابق وزیراعظم ہیڈکوارٹر پہنچے تو ڈی جی آئی ایس آئی لیفٹیننٹ جنرل ندیم احمد ‏انجم نےشرکا کا استقبال کیا۔ وفاقی وزرا، آرمی چیف جنرل قمر جاوید باجوہ بھی وزیراعظم کےہمراہ ‏تھے۔

دورہ کے دوران وزیراعظم کی سربراہی میں اجلاس میں ملکی سلامتی اور افغانستان کی صورتحال ‏کے تناظر میں خطے میں درپیش تبدیلیوں پر بریفنگ دی گئی۔

وزیراعظم نےقومی سلائی استحکام اور خوشحالی کیلئےآئی ایس آئی کی کوششوں کو سراہا، ‏وزیراعظم نے قومی مفادات کے تحفظ کیلئےکی جانے والی پیشہ ورانہ تیاریوں پر اطمینان کا اظہار ‏کیا۔

واضح رہے کہ 24 ستمبر 2021 کو وزیراعظم نے آئی ایس آئی کے مرکزی دفتر کا دورہ کیا تھا۔ تینوں ‏مسلح افواج کے سربراہان، وفاقی وزرا، بلوچستان اور کےپی کے وزرائےاعلیٰ بھی ‏وزیراعظم کے ‏ہمراہ تھے۔

Comments

یہ بھی پڑھیں