The news is by your side.

Advertisement

کورونا ریلیف فنڈ کیلئے ملکی تاریخ کی بڑی فنڈریزنگ ٹیلی تھون، وزیراعظم کی تعریف

اسلام آباد : وزیر اعظم عمران خان سے ملاقات میں سینٹر فیصل جاوید نے بتایا کہ جمعرات کوملکی تاریخ کی بڑی فنڈریزنگ ٹیلی تھون ہوگی، جس پر عمران خان نے ٹیلی تھون کے انعقاد کو سراہا۔

تفصیلات کے مطابق وزیر اعظم عمران خان سے سینٹر فیصل جاوید کی ملاقات ہوئی ، جس میں کوروناریلیف فنڈ سےمتعلق ٹیلی تھون نشریات سے متعلق تبادلہ خیال کیا گیا۔

سینٹر فیصل جاوید نے وزیراعظم کو بریفنگ دیتے ہوئے کہا کہ جمعرات کوملکی تاریخ کی بڑی فنڈریزنگ ٹیلی تھون ہوگی، بیرون ملک مقیم پاکستانی مشکل میں اپنے ہم وطنوں کی مدد کر سکیں گے۔

وزیر اعظم عمران خان نے ٹیلی تھون کے انعقاد کو سراہتے ہوئے کہا پاکستانی قوم نےہر مشکل کامقابلہ استقامت، ثابت قدمی سے کیا ہے، مشکل کی ہر گھڑی میں پاکستانی عوام نے اپنے بھائیوں کی دل کھول کر مددکی ہے۔

عمران خان کا کہنا تھا کہ مخیر حضرات کی جانب سے اب تک سامنے آنے والا جذبہ نہایت حوصلہ افزا ہے اور امید ظاہر کی کہ پوری قوم ملکر اس مشن کو کامیاب بنائے گی۔

خیال رہے پرائم منسٹر کوروناریلیف فنڈ کیلئے اے آروائی نیٹ ورک ایک بار پھر ٹیلی تھون کا انعقاد کرنےجارہاہے، کاشف عباسی کی میزبانی میں جمعرات شام چاربجے ٹیلی تھون ہوگی۔

وزیراعظم عمران خان خودٹیلی تھون میں شرکت کریں گے جبکہ سیلیبرٹیز،کھلاڑی، شوبزاسٹارز ، بزنس مین اورمعروف شخصیات ٹیلی تھون کاحصہ ہوں گی۔

اے آروائی نیوز اور اے آر وائی ڈیجیٹل پر ٹیلی تھون براہ راست نشرکی جائےگی۔

خیال رہے کہ وزیراعظم عمران خان نے کورونا وائرس سے نمٹنے کیلئے کورونا ریلیف فنڈ قائم کیا ہے جس کے ذریعے لاک ڈاؤن کی وجہ سے معاشی پریشانی میں مبتلا افراد کی مالی مدد کی جارہی ہے۔

Comments

یہ بھی پڑھیں