لاہور: پانی کی مشترکہ مانیٹرنگ کے معاملے میں وزیر اعظم عمران خان نے سندھ کے عدم تعاون پر اظہار افسوس کیا ہے۔
تفصیلات کے مطابق آج جمعرات کو وزیر اعظم آفس میں عمران خان سے وزیر آب پاشی پنجاب محمد محسن لغاری نے ملاقات کی، جس کی اندرونی کہانی اے آر وائی نیوز نے حاصل کی ہے۔
ذرائع کا کہنا ہے کہ ملاقات میں وزیر اعظم نے وزیر آب پاشی سے سندھ اور پنجاب میں پانی کی مشترکہ مانیٹرنگ کے معاملے پر استفسار کیا، کہ دونوں صوبوں کے پانی کی مشترکہ مانیٹرنگ کا معاملہ کہاں تک پہنچا؟
سندھ اور پنجاب کے درمیان پانی کا تنازعہ مزید طول پکڑ گیا
ذرائع کے مطابق وزیر اعظم کو وزیر آب پاشی پنجاب محسن لغاری نے تفصیلات سے آگاہ کیا تو انھوں نے صورت حال پر افسوس کا اظہار کیا۔
وزیر آب پاشی نے بتایا کہ پنجاب نے سندھ کی ٹیم کو تونسہ بیراج پر مانیٹرنگ کروا دی ہے، لیکن سندھ نے گدو بیراج سے پنجاب کو مانیٹرنگ کی اجازت نہیں دی ہے۔
پانی کی کمی : برطانوی ہائی کمشنر نے پاکستان کیلئے خطرے کی گھنٹی بجادی
وزیر آب پاشی کا کہنا تھا کہ سندھ مشترکہ مانیٹرنگ کے معاملے پر تعاون نہیں کر رہا ہے، ذرائع کے مطابق وزیر اعظم نے اس پر سندھ کے عدم تعاون پر اظہار افسوس کیا۔
