اسلام آباد : وزیراعظم عمران خان نے کہا ہے کہ آرایس ایس کے انتہاپسند نظریے نے جوہری طاقت کولپیٹ میں لے لیا ہے، نظریے کی بنیاد نسلی بالادستی، مسلمانوں اور اقلیتوں سے نفرت ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر بھارت میں جاری احتجاج کے حوالے سے کہا کہ آرایس ایس کے انتہا پسند نظریے نے جوہری طاقت سمیت 1بلین آبادی کےملک کو لپیٹ میں لےلیا، ان کے نظریےکی بنیاد نسلی بالادستی، مسلمانوں اور اقلیتوں سے نفرت ہے، جب بھی یہ جن بوتل سے باہر آیا ہے، ہمیشہ خوں ریزی ہوئی ہے۔
An extremist ideology RSS has taken over a nuclear-armed country of over a billion people. It is an ideology based on racial superiority & hatred of Muslims & all minorities. Whenever this genie has come out of the bottle, it has always led to bloodshed. https://t.co/GKrGZSabiE
— Imran Khan (@ImranKhanPTI) January 11, 2020
یاد رہے وزیراعظم عمران خان نے کہا تھا کہ مودی سرکار کے مسلم کش ایجنڈے کے تحت ہندوستان میں مسلمانوں کا قتل عام جاری ہے اور بھارتی پولیس بربریت کی نئی مثالیں قائم کررہی ہے۔
خیال رہے بھارت میں متنازع شہریت قانون کے خلاف احتجاج جاری ہے، پنجاب اورمغربی بنگال سمیت پانچ بھارتی ریاستیں نئے قانون کے نفاذ سے انکار کرچکی ہیں جبکہ کیرالہ کےوزیر اعلیٰ نےگیارہ ریاستوں کے وزرائے اعلیٰ کو خط لکھا جس میں متنازعہ بل کے خاتمے کیلئےقانون سازی کی تجویز دی گئی ہے۔
خیال رہے مودی سرکار کے بنائے گئے شہریت کے متنازع قانون میں مسلمانوں کےعلاوہ تمام مذاہب کے افراد کوبھارتی شہریت کاحق دیاگیا ہے۔
