The news is by your side.

Advertisement

پی ڈی ایم جلسے میں 500 روپے دے کر لوگوں کو لایا گیا: وزیر اعظم

وانا: وزیر اعظم عمران خان نے کہا ہے کہ پی ڈی ایم جلسے میں لوگوں کو 500 روپے دے کر لایا گیا تھا۔

اے آر وائی نیوز کے مطابق جنوبی وزیرستان کے علاقے وانا میں وزیر اعظم عمران خان نے صحافیوں سے گفتگو کرتے ہوئے کہا پی ڈی ایم جلسے میں 500 روپے دے کر لوگوں کو لایاگیا۔

وزیر اعظم نے کہا اسلام کو سب سے زیادہ پاکستان میں فضل الرحمان نے نقصان پہنچایا، مولانا فضل الرحمان اقتدار کے عادی ہیں اس کے بغیر نہیں رہ سکتے۔

فارن فنڈنگ کیس کے سلسلے میں ایک سوال پر انھوں نے کہا اپوزیشن کا شکر گزار ہوں کہ اس نے فارن فنڈنگ کا کیس اٹھایا، میں چاہتا ہوں اب دودھ کا دودھ اور پانی کا پانی ہو جائے، سب کا پتا چلنا چاہیے کہ کس پارٹی کو کس نے فندنگ کی ہے۔

وزیر اعظم نے مزید کہا پی ٹی آئی ہو یا ن لیگ، پی پی ہو یا فضل الرحمان سب کا پتا چلنا چاہیے، ہمارے پاس 40 ہزار نام ہیں جن لوگوں نے پارٹی کو فنڈنگ کی ہے۔

وزیر اعظم کا قبائلی علاقوں پر تمام دستیاب وسائل خرچ کرنے کا اعلان

وزیر اعظم نے فارن فنڈنگ کیس کی پبلک ہیئرنگ کا مطالبہ کرتے ہوئے کہا فارن فنڈنگ کیس کی سماعت عوام کے سامنے ہونی چاہیے، عوام کو پتا چل جائے گا فارن فنڈنگ کس پارٹی کو کس طرح ہوئی۔

انھوں نے کہا کہ جمہوریت میں اصلاحات کے لیے اکثریت ہونی چاہیے، اصلاحات تاخیر سے کرنے کی وجہ سے ہمیں مشکلات ہوئیں، کچھ فیصلے ایسے تھے جو اصلاحات کے بغیر ممکن نہیں تھے، اٹھارویں ترمیم کی وجہ سے بھی اصلاحات میں مشکلات رہیں، اس کی وجہ سے بہت سے وسائل صوبوں کے پاس تھے۔

وزیر اعظم نے کہا کہ اب کرونا وبا کے باوجود پاکستان کی معیشت بہتری کی جانب گامزن ہے، فیصل آباد میں فیکٹری ورکرز کی کمی ہوگئی ہے، آج ہماری معیشت دیکھیں اور بھارت کی معیشت دیکھیں۔

Comments

یہ بھی پڑھیں