اسلام آباد : وزیراعظم عمران خان نے گورنرسندھ عمران اسماعیل کی جلد صحت یابی کی دعا کرتے ہوئے کہا کہ اللہ تعالی انھیں وائرس سے لڑنے کی طاقت عطا فرمائے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ گورنرسندھ عمران اسماعیل کی جلد صحت یابی کے لئے دعاگو ہوں، اللہ تعالی عمران اسماعیل کو وائرس سے لڑنے کی طاقت عطا فرمائے۔
Praying for Governor Imran Ismail’s speedy recovery from COVID19. May Allah grant him the strength to fight this.
— Imran Khan (@ImranKhanPTI) April 28, 2020
یاد رہے گذشتہ روز گورنر سندھ عمران اسماعیل کا کرونا ٹیسٹ مثبت آیا تھا، جس کے بعد انہوں نے خود کو قرنطینہ کرلیا، عمران اسماعیل کا کہنا تھا کہ کل میری والدہ آئی تھیں ہم نے مل کر افطار کیا، والدہ کے جانے کے بعد بخار ہوا، جس کے بعد ٹیسٹ کرانے کا سوچا، مجھے رات کو ہی قرنطینہ کرلینا چاہئے تھا لیکن صبح قرنطینہ ہوا ہوں، اپنی والدہ اور گھر والوں کا کرونا ٹیسٹ کراؤں گا۔
عمران اسماعیل نے کہا تھا کہ مجھ میں کرونا کی کوئی علامات نہیں ہیں، ابھی تو مکمل صحت یاب ہوں۔
خیال رہے فلاحی ادارے ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آنے پر وزیر اعظم نے ٹیسٹ کرانے کا فیصلہ کیا تھا، جس کے بعد عمران خان کا کرونا وائرس کے لیے کیے گئے ٹیسٹ کی رپورٹ نیگیٹو آ ئی تھی۔
