The news is by your side.

Advertisement

لگتا ہے اللہ تعالی کو پاکستان پر رحم آگیا ، وزیراعظم کاگرفتاریوں پر تبصرہ

اسلام آباد : وزیراعظم عمران خان کو بانی ایم کیو ایم کی گرفتاری سے آگاہ کردیا گیا، اپوزیشن رہنماوں کی گرفتاری پر عمران خان نے کہا لگتاہے اللہ تعالی کو پاکستان پر رحم آگیا ، نئے پاکستان میں سب کے لیے قانون یکساں ہوگا۔

تفصیلات کے مطابق زیراعظم کی زیر صدارت پی ٹی آئی پارلیمانی پارٹی اجلاس کی اندرونی کہانی سامنے آگئی ، پارلیمانی پارٹی اجلاس میں وزیراعظم عمران خان کوبانی ایم کیو ایم کی گرفتاری سے آگاہ کیا گیا۔

اپوزیشن رہنماوں کی گرفتاری پر وزیراعظم عمران خان نے تبصرہ کرتے ہوئے کہا لگتاہے اللہ تعالی کو پاکستان پر رحم آگیا ، جو پکڑے جارہے ہیں ان سے ملک کو فائدہ ہوگا۔

وزیراعظم کا کہنا تھا مہذب معاشروں میں قانون الگ نہیں ہوتا، نئے پاکستان میں سب کےلیےقانون یکساں ہوگا۔

ارکان اسمبلی نے وزیراعظم سے ترقیاتی فنڈز نہ جاری ہونے کا شکوہ کیا تو وزیراعظم نے جلد ترقیاتی فنڈ جاری کرانے کی یقین دہانی کرادی۔

مزید پڑھیں : نیب نے حمزہ شہباز کو گرفتار کرلیا

یاد رہے آج نیب نے لاہور ہائی کورٹ کی عبوری ضمانت میں توسیع مسترد ہونے کے بعد حمزہ شہباز کو گرفتار کرلیا۔

بعد ازاں یہ خبر سامنے آئی کہ اسکاٹ لینڈ یارڈ نے بانی ایم کیو ایم کو گرفتار کرلیا، انھیں نفرت انگیزتقاریر پرگرفتار کیا گیا ، نفرت پھیلانے کے جرم میں 6ماہ سے 3 سال تک کی سزاہوسکتی ہے۔

مزید پڑھیں : بانی ایم کیو ایم لندن میں گرفتار، اسکاٹ لینڈیارڈ کی تصدیق

گذشتہ روز جعلی بینک اکاؤنٹس کیس میں اسلام آباد ہائی کورٹ نے سابق صدر آصف زرداری اور فریال تالپور کی درخواست ضمانت مسترد کردی تھی اور گرفتار کرنے کا حکم دیا تھا، جس کے بعد نیب ٹیم نے سابق صدر آصف زرداری کو بلاول ہاؤس سے گرفتار کرلیا تھا۔

Comments

comments

یہ بھی پڑھیں