اسلام آباد : وزیراعظم عمران خان نے کہا کہ مودی سرکار کے مسلم کش ایجنڈے کے تحت ہندوستان میں مسلمانوں کا قتل عام جاری ہے اور بھارتی پولیس بربریت کی نئی مثالیں قائم کررہی ہے۔
تفصیلات کےمطابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا بھارتی پولیس کاظلم نچلےدرجے تک پہنچ گیاہے ، فاشسٹ مودی ایجنڈے کے تحت ہندوستان میں مسلمانوں کا قتل عام جاری ہے، بھارتی پولیس بربریت کی نئی مثالیں قائم کررہی ہے۔
Indian police brutality reaches new lows as its pogrom of Muslims in India continues as part of fascist Modi Govt’s ethnic cleansing agenda https://t.co/BRI9LRHMX3
— Imran Khan (@ImranKhanPTI) January 4, 2020
گذشتہ روز وزیراعظم عمران خان نے اپنے ٹویٹ میں بھارتی اخبار کے آرٹیکل کا حوالہ دیتے ہوئے کہا تھا دنیا کب تک انتہا پسند مودی کے فاشسٹ اقدامات پر خاموش رہے گی، مودی حکومت بھارت میں ریاستی دہشت گردی پر اتر آئی ہے۔
مزید پڑھیں :مودی حکومت بھارت میں ریاستی دہشت گردی پر اتر آئی ہے، وزیراعظم
واضح رہے کہ بھارت میں متنازع شہریت قانون کے خلاف احتجاج جاری ہے اب تک پولیس سے جھڑپوں میں 30 افراد جاں بحق ہوچکے ہیں۔
پنجاب اورمغربی بنگال سمیت پانچ بھارتی ریاستیں نئے قانون کے نفاذ سے انکار کرچکی ہیں جبکہ کیرالہ کےوزیر اعلیٰ نےگیارہ ریاستوں کے وزرائے اعلیٰ کو خط لکھا جس میں متنازعہ بل کے خاتمے کیلئےقانون سازی کی تجویز دی گئی ہے۔
خیال رہے مودی سرکار کے بنائے گئے شہریت کے متنازع قانون میں مسلمانوں کےعلاوہ تمام مذاہب کے افراد کوبھارتی شہریت کاحق دیاگیا ہے۔
