اسلام آباد : وزیراعظم عمران خان نے عوام سے اپیل کی ہیجان کاشکارنہ ہوں،احتیاطی تدابیراختیارکریں، ہمیں اپنی صفوں میں اتحاد، نظم و ضبط اور جذبے کی ضرورت ہے ،تاکہ اس آفت کا مقابلہ کرسکیں جس نے دنیا کو اپنی لپیٹ میں لے رکھا ہے۔
تفصیلات کے مطابق وزیراعظم عمران خان نے یوم پاکستان پرپیغام میں عوام سےاپیل کی ہے کہ ہیجان کاشکارنہ ہوں،احتیاطی تدابیراختیارکریں، کورونا سے متعلق اقدامات کی نگرانی کررہا ہوں ، ہمارےپاس اس مشکل صورتحال سےنمٹنےکی صلاحیت موجودہے۔
وزیراعظم کا کہنا تھا کہ مسئلہ کشمیر،تقسیم برصغیرکانامکمل ایجنڈاہے، پاکستان کشمیریوں کےلیےاخلاقی،سیاسی اورسفارتی حمایت جاری رکھےگا، کورونا سے نمٹنےکےلیےقوم میں اتحاداورنظم وضبط ضروری ہے۔
عمران خان نے کہا کہ 23 مارچ 1940 ہماری تاریخ کاسنہرادن ہے، اس دن مسلمانوں نے ایک آزاد اور خود مختار ریاست کے قیام کا مطالبہ کیا، پاکستانی قوم کسی بھی مصیبت اورمشکل کامقابلہ کرنےکی صلاحیت رکھتی ہے۔
ان کا کہنا تھا کہ 70 سال کےحالات و واقعات ہمارےآباکی بصیرت کی گواہی دیتے ہیں، ہمیں اپنی صفوں میں اتحاد، نظم و ضبط اور جذبے کی ضرورت ہے ،تاکہ اس آفت کا مقابلہ کرسکیں جس نے دنیا کو اپنی لپیٹ میں لے رکھا ہے۔
وزیراعظم نے مزید کہا کہ انشا اللہ، ہم اس آزمائش میں کامیاب ہوں گے، ہم مقبوضہ جموں وکشمیر کے مظلوم عوام سےبھرپور اظہار یکجہتی کرتے ہیں ، کشمیری231 دنوں سے اپنی ہی سرزمین پر مقید ہیں بلکہ جبرکامقابلہ کررہےہیں۔
خیال رہےکورونا وائرس کے خطرات کے پیش نظر یوم پاکستان آج انتہائی سادگی کے ساتھ منایا جارہا ہے، حکومت نے عوام کو کرونا سے محفوظ رکھنے کے لیے 23 مارچ کی مناسبت سے ہونے والی پریڈ سمیت ایوانِ صدر ، گورنر ہاؤسز میں ہونے والی تمام تقاریب کو ملتوی کردیا ہے۔
