The news is by your side.

Advertisement

ملک کو قرضوں کی دلدل سے نکالنے کے لیے عوام ایمنسٹی اسکیم سے فائدہ اٹھائے، وزیراعظم

اسلام آباد: وزیراعظم عمران خان نے قوم کے نام پیغام میں کہا ہے کہ ملک کو قرضوں کی دلدل سے نکالنے کے لیے عوام ایمنسٹی اسکیم سے فائدہ اٹھائے۔

تفصیلات کے مطابق وزیراعظم عمران خان نے قوم نے نام پیغام میں کہا کہ پچھلے دس سال میں پاکستان کا قرضہ 6 ہزار سے 30 ہزار ارب روپے پر گیا، قرضہ بڑھنے سے آدھا ٹیکس سود کی ادائیگی پر گیا، ہم قرضوں کی دلدل میں پھنسے ہوئے ہیں۔

عمران خان نے کہا کہ آج ہم قرضہ ماضی کے قرض پر سود ادا کرنے کے لیے لے رہے ہیں، حکومت اور عوام ایک نہیں ہوں گے تو قرضوں کی دلدل سے نہیں نکل سکتے ہیں۔

وزیراعظم نے کہا کہ ٹیکس کی چوری ختم کرنے میں مجھے عوام کی مدد چاہئے، بے نامی اثاثے ظاہر کرنے کا عوام کے پاس سنہری موقع ہے، قرضوں کے دلدل سے نکلنے کے لیے مل کر فیصلہ کرنا ہے۔

انہوں نے کہا کہ ہمیں اگلے سال ساڑھے پانچ ہزار ارب روپے اکٹھا کرنا ہے، 2005 میں زلزلہ، 2010 میں سیلاب آیا ہم مل کر مشکل سے نکلے، قوم فیصلہ کرلے تو ہم ہر سال 8 ہزار ارب سے زائد پیسہ اکٹھا کرسکتے ہیں، 30 جون تک اثاثے ظاہر کیے جاسکتے ہیں۔

عمران خان نے کہا کہ کرپشن کرنے والوں کو نہیں چھوڑیں گے، کرپشن کا خاتمہ ہر صورت میں یقینی بنائیں گے، ایف بی آر کے پاس تمام تفصیلات موجود ہیں، میں نہیں چاہتا کہ عوام کو مشکل کا سامنا کرنا پڑے۔

Comments

comments

یہ بھی پڑھیں