The news is by your side.

Advertisement

مشن کشمیر، وزیراعظم عمران خان آج اقوام متحدہ کی جنرل اسمبلی سے خطاب کریں گے

نیویارک : وزیراعظم عمران خان مسئلہ کشمیر پر عالمی ضمیرجھنجھوڑنے کے لیے آج اقوام متحدہ کی جنرل اسمبلی سےخطاب کریں گے اور مظلوم کشمیریوں کا مقدمہ لڑیں گے جبکہ  توہین رسالت اوراسلامو فوبیا پر غلط فہمیوں کے خلاف بھی آوازاٹھائیں گے۔

وزیراعظم عمران خان آج سب سے بڑے فورم اقوام متحدہ کی جنرل اسمبلی میں تاریخی خطاب کریں گے، پاکستانی وقت کےمطابق رات8 بجے جنرل اسمبلی سے خطاب ہوگا۔

عمران خان اپنے خطاب میں بھارتی فوج کےظلم وستم کیخلاف عالمی ضمیرجھنجھوڑیں گے، جوہری جنگ سےبچنےکیلئےمسئلہ کشمیرکےحل کی تجاویزدیں گے اور توہین رسالت،اسلاموفوبیاپرغلط فہمیوں سےمتعلق آوازاٹھائیں گے۔

وزیراعظم عمران خان آج یواین سیکریٹری جنرل انتونیو گرتریس سے ملاقات بھی کریں گے، جس میں مسئلہ کشمیر پر بات ہوگی۔

خیال رہے وزیراعظم عمران خان کی7 دن میں70عالمی رہنماؤں سے ملاقاتیں طے ہیں جبکہ بین الاقوامی فورمز،انٹرویوز میں مسئلہ کشمیر پر بات کریں گے۔

مزید پڑھیں : مقبوضہ کشمیر میں حالات کنٹرول سےباہرہونے سے پہلےعالمی برادری مداخلت کرے، وزیراعظم

یاد رہے گذشتہ روز وزیراعظم عمران خان نے ایشیا سوسائٹی کی تقریب سے خطاب کرتے ہوئے کہا تھا کہ جنرل اسمبلی آنےکااصل مقصد دنیا کو مسئلے کشمیر کی سنگینی سے آگاہ کرنا ہے۔

عمران کا کہنا تھا کہ خدشہ ہے، کشمیرمیں کرفیو اٹھتے ہی خوں ریزی ہوگی، مقبوضہ کشمیر میں کرفیو ہٹے ہی حالات بد سے بدترہوں گے، عالمی  برادری ،امریکا کیلئے کشمیر کے معاملے پر ایکشن لینے کا وقت آگیا ہے، عالمی برادری اور امریکا مداخلت کرے، اس سے پہلے حالات کنٹرول سے باہر نکل جائیں۔

انھوں نے مزید کہا تھا کہ  مقبوضہ کشمیرمیں سنگین صورتحال جنم لےرہی ہے، 80لاکھ افراد52روزسےکرفیوکےباعث محصورہیں، کشمیر میں خوں ریزی کے خطرناک  نتائج وادی سے باہر بھی برآمد ہوں گے اور کشمیر میں خون خرابےسے پاکستان اور بھارت میں کشیدگی بڑھے گی۔

Comments

comments

یہ بھی پڑھیں