The news is by your side.

Advertisement

وزیراعظم عمران خان کی زیر صدارت وفاقی کابینہ کا اہم اجلاس، بجلی کی قیمتوں میں اضافے کی منظوری

اسلام آباد : وفاقی کابینہ کا اہم اجلاس شروع ختم ہوگیا ، وزیر اعظم نے کابینہ ارکان کو دورہ سعودی عرب پراعتماد میں لیا جبکہ بجلی کے نرخ میں اضافے کی منظوری اور پاک چین خلائی مشن معاہدے کی توثیق کر دی گئی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس وزیراعظم آفس میں‌ ختم ہوگیا، اجلاس میں 10 نکاتی ایجنڈے پر غور کیا گیا اور ملک کی سیاسی اور اقتصادی صورتحال کا جائزہ لیا۔

وزیراعظم عمران خان نے وفاقی کابینہ کودورہ سعودی عرب پراعتماد میں لیا جبکہ وزیرخزانہ نے کابینہ کوسعودی پیکج کی تفصیلات سے آگاہ کیا۔

وفاقی کابینہ نے بجلی میں قیمتوں کے اضافے کی منظوری دے دی۔

ذرائع کا کہنا ہے کہ اجلاس میں چین کیساتھ خلائی مشنزمیں تعاون بڑھانے کے معاہدے کی توثیق کی گئی جبکہ زرعی شعبےمیں پاک چین تعاون بڑھانے کے ایم او یو کی بھی منظوری دی گئی۔

کابینہ اجلاس میں انفارمیشن ٹیکنالوجی اور ٹیلی کام میں بہتری کیلئے ٹاسک فورس اور نیب افسران کو بیرون ملک سفر کے دوران سہولت دینے کی منظوری بھی دی گئی۔

گزشتہ روز وزیر خزانہ اسد عمر کی زیر صدارت اقتصادی رابطہ کمیٹی بجلی کی قیمتوں میں اضافے کی منظوری دے چکی ہے۔

مزید پڑھیں : اقتصادی رابطہ کمیٹی کی بجلی کے نرخوں میں اضافے کی منظوری

حکومت کی جانب سے بجلی کی قیمتوں میں اوسطاً1روپے18پیسےفی یونٹ کا اضافہ کیا گیا تھا، چھوٹے، درمیانے کمرشل صارفین کیلئے قیمتوں میں اضافہ نہیں کیا گیا ، 300 سے 700 یونٹس استعمال کرنے والوں کیلئے بجلی دس فیصد مہنگی کی گئی۔

تین سو یونٹ استعمال کرنےوالے بجلی کی قیمت میں اضافے سے محفوظ رہیں گے جبکہ تین سو سے سات سو یونٹ استعمال کرنے والے صارفین دس فیصد اضافی قیمت ادا کریں گے، سات سو یونٹ سے زیادہ استعمال کرنے والوں کو بجلی پندرہ فیصد مہنگی ملے گی۔

حکومت نے بجلی سیکٹرکیلئے ایک سو اناسی ارب کی سبسڈی دینے کا فیصلہ کیا جبکہ کمرشل اور صنعتی سیکٹر کیلئے بھی بجلی کی قیمتوں میں اضافہ کیا گیا۔

زرعی ٹیوب ویل پر بجلی کے نرخ 5 روپے 35 پیسے فی یونٹ مقرر کی گئی ہے، زرعی ٹیوب ویل کے صارفین کیلئے پرانا نرخ 10روپے 35 پیسے تھا۔

Comments

comments

یہ بھی پڑھیں