اسلام آباد : معاون خصوصی عثمان ڈار نے اعلان کیا ہے کہ وزیر اعظم کامیاب جوان اسپورٹس کا افتتاح چھ دسمبر کو کریں گے ، پروگرام کے تحت فٹبال ، باکسنگ ، بیٹمنٹن،جوڈو،اسکواش،والی بال اورٹینس کی اکیڈمیز بنائی جائیں گی۔

تفصیلات کے مطابق معاون خصوصی عثمان ڈار نے پریس کانفرنس کرتے ہوئے کہا کہ نوجوانوں کواہم بڑی خوشخبری دیناچاہتاہوں کہ 6دسمبرکووزیراعظم سب سے بڑے اسپورٹس کمپلیکس کا افتتاح کریں گے۔

عثمان ڈار کا کہنا تھا کہ کامیاب جوان اسپورٹ پروگرام کے تحت 12اکیڈمیزبنانےجارہےہیں، جس میں ایک لاکھ سےزائدنوجوان اسکلزحاصل کرسکیں گے۔

معاون خصوصی نے کہا کہ کامیاب جوان پروگرام حکومت کافلیگ شپ پروگرام ہے، فٹبال کےکھیل کے لئے کراچی میں اکیڈمی بنے گی جبکہ باکسنگ کیلئے بینظیر شہید یونیورسٹی لیاری میں بنا رہے ہیں۔

ان کا کہنا تھا کہ کامیاب جوان ٹیلنٹ پروگرام سےنوجوان اوپرآئیں گے، ہم پاکستان کے نوجوانوں کو کھلا میدان دیں گے ، کامیاب جوان اسپورٹس پروگرام میں سب کچھ ہے، پروگرام کابنیادی مقصدنوجوانوں کواسپورٹ فراہم کرنا ہے۔

عثمان ڈار نے مزید کہا این ای ڈی یونیورسٹی میں موومنٹ انالیسزلیب بنانےجارہےہیں، بیٹمنٹن،جوڈو،اسکواش،والی بال،ٹینس کی اکیڈمیاں بنائیں گے، ٹیلنٹ ہنٹ پروگرام کےذریعےہم ٹیلنٹ کو اجاگر کریں گے، وزیراعظم کی ہدایات ہیں کامیاب جوان سےہیروز پرڈیوس کرنے ہیں۔