وائناڈ: کانگریس کے رکن پارلیمنٹ راہل گاندھی نے کہا ہے کہ مودی نے اڈانی پر جواب دینے کی بجائے میرے ’گاندھی‘ ہونے پر توہین آمیز ریمارکس دیے۔
کانگریس کے رکن پارلیمنٹ راہل گاندھی نے ایک جلسہ عام سے خطاب کے دوران کہا کہ انہوں نے وزیر اعظم مودی سے ان کے اڈانی کے ساتھ گٹھ جوڑ کے بارے میں پوچھا تو انہوں نے جواب نہیں دیا، بلکہ میری کنیت (گاندھی) پر بات کرتے لگے۔
وائناڈ سے رکن پارلیمنٹ راہل گاندھی نے اپنی پارلیمانی حلقہ میں جلسہ عام سے خطاب کرتے ہوئے کہا وزیر اعظم مودی خود کو سب سے طاقت ور قرار دیتے ہیں، جن سے سب کو ڈرنا چاہئے لیکن یہ معنی نہیں رکھتا کہ وہ وزیر اعظم ہیں یا تمام سرکاری ایجنسیاں ان کے پاس ہیں، کیونکہ سچ ان کے ساتھ نہیں ہے۔ ایک دن ان کو سچ کا سامنا کرنا پڑے گا۔
Truth is patient. Truth is polite.
You will be forced to face the power of truth, Prime Minister. pic.twitter.com/OitpZAUWt3
— Rahul Gandhi (@RahulGandhi) February 13, 2023
سوال پوچھتے ہوئے انہوں نے کہا کہ کنیت کے حوالے سے مودی کے ریمارکس نے براہ راست میری توہین کی، اسے لوک سبھا کی کارروائی سے نہیں ہٹایا گیا۔
انہوں نے کہا کہ ملک کے وزیراعظم نے براہ راست میری توہین کی لیکن ان کے الفاظ آف دی ریکارڈ نہیں تھے، لیکن مجھے اس سے کوئی فرق نہیں پڑتا، کیونکہ سچ ہمیشہ سامنے آتا ہے۔
