تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

آذربائیجان کا پاکستان کے ساتھ مشترکہ فوجی مشقیں کرنے کااعلان

باکو: وزیراعظم نوازشریف کے ساتھ مشترکہ پریس کانفرنس میں آذربائیجان کے صدر الہام علیوف نے پاکستان کے ساتھ مشترکہ فوجی مشقوں کا اعلان کیا ہے۔

تفصیلات کےمطابق آذر بائیجان کے دورے پر گئے ہوئے پاکستان کے وزیر اعظم نواز شریف کے ہمراہ پریس کانفرنس کرتے ہوئےآذربائیجان کے صدر الہام علیوف کا کہناتھاکہ پاکستان ہمارے فوجیوں کی تربیت کرے گا،پاکستان ہمارا قریبی دوست اور اتحادی ہے۔

صدر الہام علیوف نے کہا کہ پاکستان کا دفاع شعبہ بہت ترقی یافتہ ہے،اس شعبے پر تفصیل سے بات کی گئی ہے دونوں ممالک ادویہ سازی اور فوجی سازوسامان سےمتعلق تعاون بڑھائیں گے۔

مقبوضہ کشمیر پر آذربائیجان کے صدر کا کہناتھا کہ مسئلہ کشمیر اقوام متحدہ کی قراردادوں کے مطابق حل ہونا چاہیے۔انہوں نے افسوس کا اظہار کرتے ہوئے کہا کہ سلامتی کونسل کی قراردادوں پر عمل نہیں کیاگیا۔

آذربائیجان کے صدر الہام علیوف کا مزید کہناتھا کہ پاکستان ان پہلے ممالک میں شامل ہے،جس نے آذربائیجان کی آزادی کوتسلیم کیا۔ان کا کہنا تھا کہ پاکستان اور آذربائیجان کے درمیان مستقبل میں تعاون جاری رہےگا۔

بعد ازاں پریس کانفرنس میں وزیراعظم نواز شریف نے گفتگو کرتے ہوئے کہا کہ مسئلہ کشمیر پر پاکستان اقوام متحدہ کی سیکیورٹی کونسل پر عمل درآمد چاہتا ہے اورآذربائیجان کی جانب سے پاکستان کے موقف کی تائید پر ان کے مشکور ہیں۔

وزیراعظم نوازشریف کا کہناتھاکہ پاکستان اور آذربائیجان کے مثبت تعلقات پر خوشی ہے، دونوں ممالک کےعوام ایک دوسرے کے ساتھ جڑے ہیں۔

نواز شریف کا کہنا تھا کہ علاقائی رابطوں کو مضبوط بنانے پر اتفاق کیا ہے،آذر بائیجان کی سیاسی،ثفافتی اور معاشی ترقی قابل تعریف ہے۔

واضح رہے کہ وزیر اعظم نواز شریف کا آذربائیجان کا یہ پہلا دورہ ہے،اس دورے میں ان کے ہمراہ اعلیٰ سطح کا وفد نے وہاں کے صدر اور وزیر اعظم سے ملاقاتیں کی ہیں، ان ملاقاتوں میں معاشی اور اقتصادی تعاون پر تبادلہ خیال کیا گیا۔

Comments

- Advertisement -