اسلام آباد: وزیراعظم کی زیرِصدارت اجلاس میں قومی ایکشن پلان کااگلا مرحلہ فوری شروع کرنے کا فیصلہ کیا گیا۔
تفصیلات کے مطابق اسلام آباد میں وزیرِاعظم نواز شریف کی زیرِ صدارت اجلاس ہوا، اجلاس میں وزیرِاعظم کو آپریشن ضربِ عضب اور قومی ایکشن پلان پر بریفنگ دی گئی، ملکی داخلی و سلامتی کی صورتحال پر تبادلہ خیال اور نیشنل ایکشن پلان پرعملدرآمد سے متعلق غور کیا گیا۔
اجلاس میں قومی ایکشن پلان کا اگلا مرحلہ فوری شروع کرنے کا فیصلہ کیا گیا اور قومی سلامتی کے مشیرسرتاج عزیز کے دورۂ بھارت سے متعلق بھی بات چیت ہوئی۔
- Advertisement -
اجلاس میں آرمی چیف جنرل راحیل شریف سمیت وزیرداخلہ چوہدری نثار،اسحاق ڈار، وزیراعلیٰ پنجاب شہباز شریف ، مشیرخارجہ سرتاج عزیز، طارق فاطمی اور دیگرارکان بھی موجود تھے
