اسلام آباد : وزیراعظم نوازشریف نے آرمی چیف جنرل قمرجاوید باجوہ سے ملاقات کی، ملاقات میں وزیراعظم نے آپریشن ردالفساد کی کامیابیوں پراطمینان کا اظہار کیا۔
تفصیلات کے مطابق اسلام آباد میں وزیراعظم نوازشریف سے آرمی چیف جنرل قمر جاوید باجوہ کی ملاقات ہوئی، ملاقات میں پاک فوج کے پیشہ ورانہ امور اور امن وامان اور بارڈر کی صورتحال پر تبادلہ خیال کیا گیا۔
آرمی چیف نے وزیراعظم کو آپریشن ردالفساد سے متعلق آگاہ کیا، جس پر وزیراعظم نے آپریشن ردالفساد کی کامیابیوں پراطمینان کا اظہار کیا اور قانون نافذ کرنے والے اداروں کی قربانیوں کو سراہا۔
- Advertisement -
مزید پڑھیں : امن و استحکام شہیدوں کی جرات اور قربانیوں کا مرہون منت ہے، آرمی چیف
اس سے قبل آرمی چیف جنرل قمر جاوید باجوہ نے فوجی آپریشنز میں حصہ لینے والے جوانوں کو اعزازت سے نوازا، ان کا کہنا تھا کہ امن اور استحکام شہیدوں کی جرات اور قربانیوں کا مرہون منت ہے، یہ ہمارے حقیقی ہیروز ہیں۔
