اسلام آباد : وزیراعظم نواز شریف سے بحرین کے وزیر خارجہ شیخ خالد بن احمد بن محمد الخلیفہ نے ملاقات کی، ملاقات میں بحرین کے شاہ حمدبن عیسیٰ الخلیفہ کاخصوصی تہنیتی پیغام وزیراعظم کو پہنچایا۔
تصیلات کے مطابق وزیراعظم نواز شریف سے بحرین کے وزیر خارجہ شیخ خالد بن احمد بن محمد الخلیفہ کی ملاقات ہوئی،دونوں رہنماؤں کے درمیان ملاقات میں علاقائی صورتحال اور دیگر امور پر بات چیت ہوئی۔
ملاقات میں شیخ خالد بن احمد بن محمد الخلیفہ نے بحرین کے شاہ حمد بن عیسیٰ الخلیفہ کا خصوصی تہنیتی پیغام وزیراعظم کو پہنچایا اور دونوں ملکوں کے بڑھتے ہوئے تعلقات سے بھی آگاہ کیا۔
ذرائع کے مطابق بحرین کے وزیر خارجہ کا دورہ دونوں ملکوں کے بڑھتے تعلقات کا عکاس ہے۔
دوسری جانب پاکستان اوربحرین کے مشترکہ وزارتی کمیشن کا پہلا اجلاس آج ہو رہا ہے، اسلام آباد میں کمیشن اجلاس سے دو طرفہ تعلقات میں وسعت آئیگی۔
اس سے قبل بحرین کے وزیر خارجہ شیخ خالد بن احمد بن محمد الخلیفہ دو روزہ دورے پر اسلام آباد پہنچے، ایئر پورٹ پر اعلیٰ حکام نے ان کا استقبال کیا ، بعد ازاں مشیر خارجہ سرتاج عزیز سے بحرینی وزیرخارجہ نے ملاقات کی، ملاقات میں دوطرفہ معاشی تعاون پر بھی تبادلہ خیال کیا گیا۔
شیخ خالد نے کہا کہ بحرین دہشت گردی کے خلاف پاکستان کی کامیابیوں کو سراہتا ہے ۔
