The news is by your side.

Advertisement

وزیراعظم کا پنجاب حکومت کو قبضہ مافیا کے خلاف بھر پور ایکشن کرنے کا حکم

لاہور : وزیراعظم عمران خان نے دورہ لاہور میں پنجاب حکومت کو قبضہ مافیا کے خلاف بھر پور ایکشن کرنے کا حکم دے دیا جبکہ مختلف ترقیاتی اسکیموں کو بروقت مکمل نہ ہونے پر برہمی کا اظہار کیا۔

تفصیلات کے مطابق وزیراعظم عمران خان کے دورہ لاہور میں اجلاسوں کی اندرونی کہانی سامنے آگئی ، ،عمران خان نے پنجاب حکومت کو حکم دیا ہے کہ قبضہ مافیاکے خلاف بھر پور ایکشن چاہیے، چاہےکسی سیاسی جماعت کاقبضہ مافیاسےتعلق ہوایکشن کریں۔

ذرائع کے مطابق عمران خان مختلف ترقیاتی اسکیموں کو بروقت مکمل نہ ہونے ، اشتہاریوں کی عدم گرفتاری اور کرائم کو کنٹرول نہ کرنے پر برہم ہوئے جبکہ پنجاب میں انتظامی معاملات بہتر ،کفایت شعاری پالیسی پر عملدرآمد ، مہنگائی سے متعلق مثبت اقدام اٹھانے پر وزیراعلیٰ اور ان کی ٹیم کی تعریف کی۔

وزیراعلیٰ پنجاب نے بریفنگ میں بتایا کہ ن لیگ کےمتعدد رہنما اور ایم پی ایز رابطے میں ہیں اور ن لیگ کے 7 سینئر رہنما لیڈر شپ سے بہت ناراض ہیں ، کچھ ملاقاتیں خفیہ کرتے ہیں کچھ سامنے آچکے ہیں۔

ذرائع کے مطابق بریفنگ میں کہا گیا کہ 42 سیاستدانوں نے زمینوں پر قبضے ، منصوبوں سے غیر قانونی پیسے کمائے، پنجاب حکومت کو لیگی سیاستدانوں کیخلاف اہم ثبوت مل چکے ، قانونی کارروائی کرکے بھر پور ایکشن کیا جائے گا۔

میاں اسلم نے بریفنگ میں بتایا کہ ٹیوٹامیں 90ہزار سےداخلہ بڑھا کر 2لاکھ 30ہزار کردیاگیا، وزیراعظم نے وزیراعلیٰ پنجاب اور میاں اسلم اقبال کی کارکردگی کوسراہا۔

Comments

یہ بھی پڑھیں