تازہ ترین

پاکستان کو آئی ایم ایف سے 6 ارب ڈالر قرض پروگرام کی توقع

وفاقی وزیر خزانہ محمد اورنگزیب نے کہا ہے کہ...

اسرائیل کا ایران پر فضائی حملہ

امریکی میڈیا کی جانب سے یہ دعویٰ سامنے آرہا...

روس نے فلسطین کو اقوام متحدہ کی مکمل رکنیت دینے کی حمایت کردی

اقوام متحدہ سلامتی کونسل کا غزہ کی صورتحال کے...

بجلی چوری کی سہولتکاری میں ملوث افسران کے خلاف کارروائی کا حکم

اسلام آباد : وزیراعظم شہباز شریف نے بجلی چوری کی سہولتکاری میں ملوث افسران کے خلاف کارروائی کا حکم دیتے ہوئے کہا ہے کہ ملک کو اربوں ڈالر کا نقصان پہنچانے والوں کو قرار واقعی سزا دی جائے گی۔

تفصیلات کے مطابق وزیر اعظم شہباز شریف کی زیرصدارت بجلی چوری کی روک تھام سےمتعلق اجلاس ہوا ، جس میں وزیراعظم نے کہا کہ ہماری ذمہ داری ہے بجلی چوری روکنےکیلئےایک مستحکم نظام تشکیل دیں، معاشی صورتحال قطعی طورپربجلی چوری جیسے مسئلے کی متحمل نہیں ہو سکتی۔

شہباز شریف نے بجلی چوری میں سہولتکاری میں ملوث افسران کےخلاف کارروائی کا حکم دیتے ہوئے کہا کہ ملک کواربوں ڈالرکانقصان پہنچانےوالوں کوقرارواقعی سزادی جائےگی۔

وزیراعظم کا کہنا تھا کہ لائن لاسزکمی ،ٹرانسمیشن لائنزاپ گریڈیشن کی حکمت عملی ترتیب دی جائے اور جینریشن کمپنیزسرکاری خزانےپربوجھ ہیں ،نجکاری کا کام فوری شروع کیاجائے ساتھ میں بلوچستان میں ٹیوب ویلوں کی سولرائیزیشن کاپلان بناکررپورٹ پیش کی جائے۔

اجلاس کے دوران بریفنگ میں بتایا گیا کہ جن علاقوں میں بجلی چوری کی شرح کم ہےوہاں لوڈ شیڈنگ کادورانیہ کم ہے ، بجلی چوری کےخلاف مہم کی وجہ سےچوری کی شرح میں خاطرخواہ کمی آئی، بجلی چوری اب ایک قابل دست اندازی جرم ہے۔

Comments

- Advertisement -