The news is by your side.

Advertisement

وفاقی کابینہ کا اجلاس:ملکی معیشت اور سیاسی صورتحال کے حوالے سے اہم فیصلے متوقع

اسلام آباد : وزیراعظم شہباز شریف کی زیر صدارت وفاقی کابینہ کے اجلاس میں ملکی معیشت اور سیاسی صورتحال کے حوالے سے اہم فیصلے متوقع ہے۔

تفصیلات کے مطابق وفاقی کابینہ کا اجلاس آج وزیراعظم ہاوس میں ہوگا ، وزیراعظم شہبازشریف وفاقی کابینہ کےاجلاس کی صدارت کریں گے۔

اجلاس میں ملکی سیاسی اورمعاشی صورتحال سمیت وفاقی بجٹ کی تیاری اور مہنگائی پر مشاورت کی جائے گی۔

کابینہ اجلاس میں لوڈشیڈنگ پر بریفنگ اور اہم فیصلے کئے جائیں گے جبکہ الیکشن کمیشن کی سالانہ رپورٹ2021بھی کابینہ میں پیش کی جائے۔

وفاقی کابینہ 3جون کو ہونے والے اقتصادی رابطہ کمیٹی کے فیصلوں کی توثیق کرےگی

دوسری جانب وزیراعظم آج پری بجٹ کانفرنس سےخطاب کریں گے ، کانفرنس میں بزنس،انفارمیشن ٹیکنالوجی اور زراعت پراظہار خیال کیا جائے گا۔

وزارت خزانہ کی طرف سےپری بجٹ کانفرنس کاانعقادکیاجارہاہے ، جس میں ماہرین آئی ٹی، زراعت، ٹیکسٹائل، تجارت اور برآمدی شعبے سفارشات سمیت بڑھتے افراط زر،شرح مبادلہ اورزرمبادلہ پر تجاویز دیں گے۔

Comments

یہ بھی پڑھیں