اسلام آباد : وزیراعظم شہباز شریف نے آئی ایس آئی کو بی این اے کےسربراہ کی گرفتاری پر مبارکباد دیتے ہوئے کہا گرفتاری سے بلوچستان عسکریت پسندی کو کچلنے میں مدد ملے گی۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ٹوئٹر پر آئی ایس آئی کو بی این اے کے بانی کی گرفتاری پر مبارکباد دی۔
شہبازشریف نے اپنے پیغام میں لکھا حساس ادارے نےشاندارآپریشن کے ذریعےبی این اے کے سربراہ کوگرفتارکیا، یہ آپریشن ہمارے اداروں کی شاندارپیشہ ورانہ مہارت کا منہ بولتا ثبوت ہے۔
وزیراعظم کا کہنا تھا کہ بی این اےبانی کی گرفتاری سے بلوچستان عسکریت پسندی کوکچلنےمیں مدد ملےگی، بلوچستان میں امن کے لیے نئے دور کا آغاز ہوگا۔
Heartfelt felicitations to ISI for carrying out a brilliant operation that resulted in the arrest of BNA's founder. This operation speaks of outstanding professionalism of our institutions. The arrest will help suppress militancy in Balochistan & usher in a new era of peace.
— Shehbaz Sharif (@CMShehbaz) April 8, 2023
گذشتہ روزسیکیورٹی فورسز نے انٹیلی جنس بیسڈ آپریشن کے دوران کالعدم بی این اے کے دہشت گرد گلزار امام عرف شنبے کو گرفتار کیا تھا، گلزار ملک دشمن ایجنسیوں کا آلہ کار اور ریاست مخالف سرگرمیوں میں ملوث تھا۔
آئی ایس پی آر کا کہنا تھا کہ سرکردہ دہشتگرد کالعدم بی این اے سے تعلق رکھتا ہے۔ گلزار امام کو جامع منصوبہ بندی اور مربوط آپریشن میں گرفتار کیا گیا، سیکیورٹی فورسز نے گلزارامام کوگرفتارکرکے صلاحیتوں کابھرپورمظاہرہ کیا۔