وزیر اعظم شہباز شریف نے آذربائیجان کے دارالحکومت باکو سے ’شدید متاثر‘ ہیں ، وہ آج پھر باکو کی تعریف کئے بغیر نہ رہ سکے۔
تفصیلات کے مطابق وزیراعظم شہباز شریف نے پاکستان اور آذربائیجان کے درمیان پیٹرولیم صنعت میں تعاون کے معاہدے پر دستخط کی تقریب میں آذربائیجان کے دارالحکومت باکو کے قصیدے پڑھنے شروع کردئیے۔
وزیراعظم نے کہا کہ گر آپ باکو جائیں تو آپ کے اندر خوشی کی لہر دوڑ جائے گی، وہاں پر اتنے خوبصورت پھول اور باغ ہے، جس کی جتنی تعریف کی جائے کم ہے۔
شہباز شریف کا کہنا تھا کہ آج باکو کےایکسپرٹ پاکستان پہنچ رہے ہیں، میں نے کہا ہےانہیں مختلف شہروں کادورہ کرائیں اور درخواست کی ہے کہ پاکستان کے بڑے اور چھوٹے شہروں میں باکو کی طرح خوبصورت بنائیں۔
اس سے قبل بھی اسلام آباد میں ایک تقریب سے خطاب کرتے ہوئے وزیر اعظم شہباز شریف نے کہا تھا کہ کشادہ سڑکیں دیکھنی ہیں تو باکو جائیں جہاں آپ ہاتھوں میں چائے کا کپ یا پانی کا گلاس لے کر چلیں لیکن مجال ہے اس میں ذرا سی بھی طغیانی آ جائے۔
شہباز شریف نے تقریب میں موجود وفاقی وزیر داخلہ رانا ثنا اللہ کو مخاطب کرتے ہوئے انہیں بھی آذربائیجان جانے کا مشورہ بھی دے دیا تھا۔
