The news is by your side.

Advertisement

آئی ایم ایف کے ساتھ مشکلات پیش آرہی ہیں، وزیراعظم شہباز شریف کا اعتراف

اسلام آباد : وزیراعظم شہباز شریف نے اعتراف کیا ہے کہ آئی ایم ایف کے ساتھ مشکلات پیش آرہی ہیں ، مشکل فیصلے کرنے پڑے تو ہم کریں گے۔

تفصیلات کے مطابق وفاقی کابینہ اجلاس کے بعد وزیراعظم شہبازشریف نے اتحادیوں کیساتھ کھڑے ہوکر کابینہ اجلاس پر بریفنگ دی، میڈیا سے گفتگو میں شہباز شریف نے کہا عالمی دنیامیں تیل اور پیٹرول کی قیمتیں بڑھتی جارہی ہیں، دل پر پتھر رکھ کر پیٹرول کی قیمتیں بڑھائیں۔

وزیراعظم کا کہنا تھا کہ بجٹ کےذریعے 7کروڑ لوگ 2ہزار روپےماہانہ لےسکتےہیں، ہم غریب آدمی پر بوجھ کم کرینگے ،صاحب حیثیت افراد پر ٹیکس لگائیں گے۔

سابق حکومت پر تنقید کرتے ہوئے شہباز شریف نے کہا انہوں نےجان بوجھ کرقیمتیں کم کیں،ان لوگوں کو عوام کوکوئی درد نہیں ، عمران خان نے پیٹرول سستا کرکے آنے والی حکومت کیلئے جال بچھایا۔

ان کا کہنا تھا کہ حکومت عوام کا بوجھ باٹنے کے لیے ریلیف فراہم کررہی ہے، کئی 100ارب روپے ٹیکس جمع کریں گے، ہم نے بہت مشکل حالات میں ذمہ داری سنبھالی ہے، ہمیں مشکل فیصلے کرنے پڑے تو ہم کریں گے۔

شہبازشریف نے کہا کہ آئی ایم ایف کیساتھ مشکلات پیش آرہی ہیں لیکن ہم کسی بھی قدم سے پیچھے نہیں ہٹیں گے، موجودہ حکومت اخلاص کےساتھ تمام مشکل راستے عبور کرے گی۔

وزیراعظم نے امید ظاہر کی کہ اچھا وقت ضرورآئے گا، سابقہ حکومت نے آئی ایم ایف معاہدےکی دھجیاں اڑائیں، ہمیں ان کی جانب سے کئے گئے وعدے پورے کرنے پڑ رہے ہیں۔

Comments

یہ بھی پڑھیں