اسلام آباد : وزیراعظم شہبازشریف کی زیرصدارت قومی سلامتی کمیٹی کا اجلاس آج ہوگا، جس میں ملک کی داخلی اورخارجہ سلامتی کے امور زیر غور آئیں گے۔
تفصیلات کے مطابق قومی سلامتی کمیٹی کا اجلاس آج ہوگا ، اجلاس کی صدارت وزیراعظم شہبازشریف کریں گے، سروسز چیفس اور وفاقی وزرا اجلاس میں شریک ہوں گے۔
ذرائع کا کہنا ہے کہ ملک کی داخلی اورخارجہ سلامتی کےامورزیر غور آئیں گے۔.
یاد رہے دو روز قبل وزیر اعظم شہباز شریف سے آرمی چیف جنرل قمر جاوید باجوہ کی ملاقات ہوئی تھی ، جس میں قومی سلامتی، باہمی دلچسپی اور پیشہ ورانہ امور پر تبادلہ خیال کیا گیا۔
گذشتہ روز وزیراعظم محمد شہبازشریف نے شمالی وزیرستان کا دورہ کیا اور وہاں قبائلی عمائدین سےملاقات کی تھی۔
وزیراعظم شہبازشریف نے کہا تھا کہ قبائلی اضلاع کے عوام نے بڑی قربانیاں دی ہیں اور ہم ان کے مقروض ہیں ان قربانیوں کو رائیگاں نہیں جانے دیں گے۔
