The news is by your side.

وزیراعظم شہباز شریف کا دوران پرواز اجلاس

وزیراعظم شہباز شریف نے کراچی آمد کے موقع پر دوران پرواز اجلاس کیا جس میں انہوں نے کراچی کو درپیش چیلنجز پر بریفنگ لی۔

اے آر وائی نیوز کے مطابق وزیراعظم شہباز شریف نے کراچی کے ایک روزہ دورے کے موقع پر دوران پرواز اجلاس کی صدارت کی جسمیں مفتاح اسماعیل سمیت دیگر افراد نے شرکت کی۔

ذرائع نے بتایا کہ اجلاس میں کراچی کے مسائل اور ملک کی معیشت سے متعلق غور کیا گیا اور وزیراعظم نے کراچی کو درپیش چیلنجز پر بھی بریفنگ لی۔

ذرائع کے مطابق وزیراعظم شہباز شریف نے اس اجلاس کے منٹس بھی خود بنائے، اس موقع پر انہوں نے شرکا اجلاس سے کہا کہ پاکستان تیزی سے آگے بڑھے گا۔

واضح رہے کہ وزیراعظم شہباز شریف ایک روزہ دورے پر کراچی پہنچ گئے ہیں۔

مزید پڑھیں: وزیراعظم شہباز شریف ایک روزہ دورے پرآج کراچی پہنچ گئے

شہباز شریف نے مزار قائد پر حاضری دی ہے بعد ازاں وہ ایم کیو ایم کے دفتر بہادر آباد اور وزیراعلیٰ ہاؤس جائیں گے۔

وہ وزیراعلیٰ ہاؤس میں امن و امان وترقیاتی منصوبوں سمیت تمام اجلاس کی صدارت کرینگے۔

Comments

یہ بھی پڑھیں