اسلام آباد : وزیراعظم شہباز شریف نے ضمنی الیکشن میں انتھک کوششوں پر ن لیگ رہنماؤں اور کارکنان کا شکریہ ادا کیا۔
تفصیلات کے مطابق وزیراعظم شہباز شریف نے سماجی رابطے کی ویب سائٹ ٹوئٹر پر اپنے پیغام میں کہا کہ ضمنی الیکشن میں انتھک کوششوں پر ن لیگ رہنماؤں اور کارکنان کا شکرگزارہوں۔
شہبازشریف کا کہنا تھا کہ مریم نواز نے پارٹی کے لیے بہترین انتخابی مہم چلائی، پر امن الیکشن پروزیر اعلی پنجاب کی قیادت میں پنجاب حکومت مبارکباد کی مستحق ہے۔
میں ضمنی انتخابات کیلئے انتھک کوششوں پر پاکستان مسلم لیگ ن کے راہنماؤں اور ورکرز کا مشکور ہوں. مریم نواز نے پارٹی کیلئے بہترین انتخابی مہم چلائی. پر امن انتخابات کے انعقاد پر وزیرِ اعلی حمزہ شہباز کی قیادت میں پنجاب حکومت مبارکباد کی مستحق ہے.
— Shehbaz Sharif (@CMShehbaz) July 18, 2022
خیال رہے تحریک انصاف نے پنجاب میں میدان مارلیا اور پی ڈی ایم امیدواروں کوشکست دے دی، پی ٹی آئی نے بیس میں سے پندرہ نشستوں پر کامیابی حاصل کی۔
غیرسرکاری نتائج کے مطابق مسلم لیگ ن چارنشستوں پر کامیاب ہوئی جبکہ ایک نشست پر آزاد امیدوار نے کامیابی حاصل کی۔
پنجاب میں حکومت بنانے کیلئے پی ٹی آئی نے مطلوبہ گولڈن نمبرایک سوچھیاسی عبورکرلیا ہے ، پنجاب میں ق لیگ کی سیٹیں ملا کر پی ٹی آئی کے پاس نشستوں کی تعداد ایک سواٹھاسی ہوگئیں۔