The news is by your side.

Advertisement

وزیر اعظم کا آرمی چیف کے ہم راہ کمانڈ اینڈ اسٹاف کالج کوئٹہ کا دورہ

کوئٹہ: وزیر اعظم شاہد خاقان عباسی نے کمانڈ اینڈ اسٹاف کالج کوئٹہ کا دورہ کیا، ان کے ہم راہ آرمی چیف جنرل قمر جاوید باجوہ بھی تھے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) نے کہا ہے کہ وزیر اعظم شاہد خاقان عباسی نے اپنے دورے میں افسران اور کالج کے فیکلٹی ممبران سے خطاب کیا۔

آئی ایس پی آر کے مطابق وزیر اعظم شاہد خاقان عباسی نے ملکی ترقی، پاکستان کو درپیش چیلنجز اور موجودہ حالات میں آگے بڑھنے کے معاملات پر روشنی ڈالی۔

وزیر اعظم نے اپنے خطاب میں پاک فوج کی قربانیوں کو خراج تحسین پیش کرتے ہوئے کہا کہ فوج نے بڑی قربانیاں دے کرملک میں امن قائم کیا ہے۔

شاہد خاقان عباسی نے ملک میں ترقی کے امکانات پر بات کرتے ہوئے اپنے خطاب میں کہا کہ پاکستان میں آگے بڑھنے کے بے پناہ مواقع موجود ہیں۔

جعلی ای میل آنے پر آئی ایس پی آر نے سائبرالرٹ جاری کردیا


وزیر اعظم کا کہنا تھا کہ پاکستان کو متعدد چیلنجز درپیش ہیں لیکن قومی یک جہتی سے کسی بھی چیلنج کو شکست دی جا سکتی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

Comments

comments

یہ بھی پڑھیں