ہفتہ, مئی 25, 2024
اشتہار

پختونخواہ کے نوجوانوں کو قرضے اور لیپ ٹاپ دیے جائیں گے: وزیر اعظم

اشتہار

حیرت انگیز

اسلام آباد: وزیر اعظم شہباز شریف کا کہنا ہے کہ خیبر پختونخواہ کو ترقی اور امن کا گہوارہ بنا کر رہیں گے، کے پی کے باصلاحیت نوجوانوں کو آسان شرائط پر قرض اور لیپ ٹاپس فراہم کریں گے۔

تفصیلات کے مطابق وزیر اعظم شہباز شریف سے خیبر پختونخواہ سے تعلق رکھنے والی مسلم لیگی قیادت کی ملاقات ہوئی، ملاقات میں موجودہ ملکی سیاسی صورتحال اور صوبے کے آئندہ انتخابات پر مشاورت ہوئی۔

ملاقات میں وزیر اعظم شہباز شریف کا کہنا تھا کہ خیبر پختونخواہ کو ترقی اور امن کا گہوارہ بنا کر رہیں گے، گزشتہ حکومت نے صوبے کی ترقی کو یکسر نظر انداز کیا۔

- Advertisement -

انہوں نے کہا کہ ہم نے بجٹ میں ضم شدہ قبائلی اضلاع کی ترقی کے لیے خصوصی اقدامات شامل کیے، وفاقی حکومت کے صحت و تعلیم کے منصوبوں سے عوام بھرپور مستفید ہو گی۔

وزیر اعظم کا مزید کہنا تھا کہ کے پی کے باصلاحیت نوجوانوں کو آسان شرائط پر قرض اور لیپ ٹاپس فراہم کریں گے، کسانوں کو معیاری بیج اور بروقت کھاد کی فراہمی کے ساتھ جدید ٹیکنالوجی سے لیس کریں گے۔

انہوں نے مزید کہا کہ سرحدی اضلاع میں تجارت میں سہولت فراہم کر کے لوگوں کی معاشی مشکلات دور کریں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں