تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

موجودہ حکومت خواتین کو منصفانہ حقوق کی فراہمی کے لیے ہر وقت کوشاں ہے: وزیر اعظم

اسلام آباد: وزیر اعظم شہباز شریف کا کہنا ہے کہ انسانی معاشرے کی ترقی خواتین کے کردار کے بغیر ممکن نہ تھی، موجودہ حکومت خواتین کو منصفانہ حقوق کی فراہمی کے لیے ہر وقت کوشاں ہے۔

تفصیلات کے مطابق وزیر اعظم شہباز شریف نے خواتین کے عالمی دن کےموقع پر اپنے پیغام میں کہا کہ خواتین کو عالمی دن کے موقع پر مبارک باد پیش کرتا ہوں، اس دن کا مقصد معاشرے میں خواتین کے کلیدی کردار کو پہچاننے کا اعتراف کرنا ہے۔

وزیر اعظم کا کہنا ہے کہ تاریخ گواہ ہے کہ انسانی معاشرے کی ترقی خواتین کے کردار کے بغیر ممکن نہ تھی، خواتین کا ہر روپ انسان کو معاشرے کا کارآمد رکن بنانے میں مصروف نظر آتا ہے۔

انہوں نے کہا کہ دین اسلام نے 14 سو سال قبل خواتین کے حقوق کے بارے میں تنبیہ کی، موجودہ انسانی معاشرہ خواتین کی ہر شعبے میں خدمات کی مثالوں سے بھرا پڑا ہے، اکیسویں صدی کی خواتین مردوں کے شانہ بشانہ انسانی تہذیب کی ترقی میں مصروف ہیں۔

وزیر اعظم کا کہنا تھا کہ موجودہ حکومت خواتین کو منصفانہ حقوق کی فراہمی کے لیے ہر وقت کوشاں ہے، خواتین کو یکساں مواقع کی فراہمی کے لیے ہر ممکن اقدام اٹھایا۔

انہوں نے مزید کہا کہ خواتین کے حقوق کے تحفظ اور قومی دھارے میں شامل کرنے کے لیے خصوصی اقدامات اٹھائے، وراثت، تعلیم اور لیپ ٹاپس کی فراہمی میں خواتین کے لیے اقدامات کیے۔

Comments

- Advertisement -